Caribbean Broadcasting Network korporasiyasi tarkibiga kiruvchi yangi CubaNetwork telekanali 2016 yilning aprelidan AQShda o‘z ko‘rsatuvlarini kabel va sun’iy yo‘ldosh telekanallarida translyasiya qila boshlaydi. Bu haqda «TASS» xabar beradi.
Barak Obama hukumati tomonidan yanvarda ma’qullangan va sentyabrda kengaytirilgan yangi qonun qoidalari Amerika kompaniyalariga telekommunikasiya sohasida Kuba tashkilotlari, hattoki Kuba radio va televidenie instituti kabi davlat tashkilotlari bilan birga ishlash imkonini beradi. Kubaning qaysi tashkiloti bilan shartnoma imzolanganligi ma’lum qilinmadi.
Kuba televidenie mahsulotlarini tarqatishdan keladigan daromadni hukumat bilan bo‘lishish ko‘zda tutilgan.
CubaNetwork AQShda Kuba televideniesiga talab bo‘lishiga umid qilmoqda.
Manba: Daryo.uz