«Amazon» kompaniyasi rahbari Jeff Bezos kompaniyasining aksiyalari 1 fevraldagi kechki sessiyada 6,2 foizga o‘sgach, bir kechada 6,5 mlrd dollar ishlashga muvaffaq bo‘ldi. Bu haqda «Xabar» nashri ma’lum qilmoqda.Ta’kidlanishicha, uning aktivlarining umumiy miqdori 123 milliard dollardan oshib ketdi. Bu dunyodagi eng boy odam ro‘yxatida ikkinchi o‘rinda turgan Bill Geytsdan qariyb 30 milliard dollar ko‘p degani.
Yilning boshi Bezos uchun omadli boshlandi. U birgina yanvar oyida 17,4 milliard dollar ishladi.
«Amazon» aksiyasi so‘nggi oyda 19 foizga ko‘tarildi. Ma’lumotlarga ko‘ra, bu kompaniya ilk bor eng qimmat brendlar reytingidan o‘rin olgan.