Rim papasi Fransisk aviaparvoz paytida ikki bortkuzatuvchini nikohlab qo’ydi. Ularning hamkasblari esa marosimda guvoh sifatida qatnashgan. Xabarda aytilishicha, hodisa pontifik Chili shaharlari orasida uchib ketayotgan payt sodir bo’lgan.
Bortkuzatuvchilar Paula Podest va Karlos Juffardi allaqachon oila qurishgan, ammo 2010 yilda bo’lib o’tgan yer silkinishi ularning shaharlaridagi cherkovni vayron qilgan, natijada juftlik nikohdan o’tishga imkon topa olishmagandi. Ular bortda potifikni ko’rib qolishgach, uning yoniga borib bo’lgan hodisalarni hikoya qilib berishgan. Buni eshitgan pontifik esa ularni shu onning o’zidayoq nikohlab qo’yishga rozi ekanligini aytdi.
Shunday qilib juftlik osmonu falakda nikohdan o’tdilar, ularning hamkasblari esa juftlik uchun guvoh vazifasini o’tab berdi.