Fransiya rahbari rafiqasi Brijit Makron har kun muxlislari tomonidan ayol har qanday yoshda ham go’zal bo’la olishini yana bir bor isbotlab bergani uchun minnatdorchilik bildirilgan ikki yuzta maktub oladi. 64 yoshli Brijit Makron har bir maktub muallifiga tashakkur aytib charchamaydi.
Xabarda aytilishicha, Fransiya sobiq prezidenti Nikolya Sarkozining rafiqasi Karla Bruni kuniga o’rtacha hisobda kuniga 35 ta maktub qabul qilgan.
Brijit Makronning maslahatchisi Pyer-Olvye Kostaning aytishicha, Emmanuel Makron prezident sifatida saylanganidan so’ng Brijitning nomiga bu qadar ko’p maktub kelishi atrofdagilarni lol qilib qo’ydi.
Bundan tashqari Fransiya birinchi xonimi did bilan kiyinishi borasida ham maqtovli fikrlar eshitadi. Fransiya OAVlarining yozishlaricha, Brijit ozod fransuz ayoli namunasidir. Ammo uning o’zi eri prezident etib saylangandan keyingi har tongda unga turmush o’rtog’i bilan yoshlari orasidagi 24 yillik farq haqida eslatishlarini aytib o’tgan.
Qayd etib, o’tish joizki, Brijit Makron o’z turmush o’rtog’idan 24 yosh katta.