Janubiy Afrikadagi Kryuger milliy bog‘i tashrifchisi timsohning begemotlar to‘dasi bilan jang qilganini videoga oldi, deb yozadi Daryo.uz.Video muallifi, 71 yoshli Xarish Kumar aytib berishicha, barchasi kutilmaganda yuz bergan va u hatto s’yomka uchun shtativ o‘rnatishga ulgurmay qolgan.
«Ishonib bo‘lmaydigan holat yuz berdi. Timsoh allaqanday ravishda quturgan gippopotamlar guruhi o‘rtasiga tushib qoldi. Ular timsohning zudlik bilan bu yerdan nari ketishini xohladi. Ular timsohni o‘rab olib, turli tomonlarga itardi va tishladi. Xayriyat, timsoh o‘zini qutqara oldi», — dedi Kumar.