Rossiya prezidenti Vladimir Putinning matbuot kotibi Dmitriy Peskov Putinning AQSh prezidenti Barak Obama bilan uchrashuvi bo‘lib o‘tishini tasdiqladi. Bu haqda “Gazeta.Ru” nashriga asoslanib Kun.uz xabar berdi.
Uchrashuv 28 sentyabrga belgilandi. Prezidentlarning muzokaralari BMT Bosh assambleyasi sessiyasi davomida bo‘lib o‘tadi.
Shu kuni Putin Bosh assambleyada nutq so‘zlaydi va BMT bosh kotibi Pan Gi Mun bilan uchrashadi va boshqa tadbirlarda ishtirok etadi. Putin Obama bilan uchrashishdan oldin Yaponiya bosh vaziri Sindzo Abe bilan ham uchrashadi.