Ukraina prezidenti Pyotr Poroshenko jangovar MiG-29 qiruvchi samolyotini ikkinchi uchuvchi sifatida boshqardi. Bu haqda «Korrespondent.net»ga tayanib «Daryo» nashri xabar bermoqda.«Havo qo‘shinlari kuni bilan harbiy uchuvchilarni tabriklash maqsadida Vinnisa viloyati harbiy aerodromiga MiG-29 samolyotida etib keldim. Ukrainaning mustaqil osmoni mudofaasida turganlarning bariga munosib harbiy xizmatlari uchun samimiy minnatdorchilik bildiraman», — deyiladi Poroshenkoning Facebook’dagi sahifasida e’lon qilingan axborotda.
Poroshenko harbiy uchuvchilarni Havo qo‘shinlari kuni bilan tabriklab, harbiy texnika va ularni qayta tiklash maqsadlari uchun 1 milliard grivna (taxminan 38 million dollar)dan ziyod mablag‘ ajratilishini e’lon qildi.