Bugun, 16 iyun kuni Tailand poytaxti Bangkokda portlash sodir etildi. Bu haqda “Reyters” agentligiga tayanib “Qalampir.uz” xabar bermoqda.Polisiya xodimining ma’lum qilishicha, portlovchi qurilma ko‘chadagi daraxt tagiga plastik paketda o‘rnatilgan bo‘lib, bomba ko‘cha tozalaydigan xodimning paketga tekkanidan so‘ng harakatga kelgan. Natijada bombadan zarar ko‘rgan xodim voqea joyida vafot etgan.
Tailand hukumati joriy yilning 22 may kuni Pxramongkutklao shifoxonasidagi portlashni sodir etgan 62 yoshli gumondorni qo‘lga olgandi. Portlovchi qurilma keramik vaza ichiga joylangan bo‘lib, portlash natijasida 24 kishi yengil jarohat olgandi.