Turkiyaning janubidagi Shirnak viloyatida harbiy vertolyot elektr uzatish liniyasiga urilib, falokatga uchradi. Bu haqda viloyat ma’muriyati ma’lum qilgan, deyiladi kun.uz nashrida. Falokat oqibatida 13 kishi halok bo‘lgan. "Shirnak viloyatining Uludere tumanida harbiy samolyot havoga ko‘tarilgandan 3 daqiqa o‘tib elektr uzatish liniyasiga urilib qulagan. Voqea joyiga qutqaruvchilar etib kelgan", deb ma’lum qilingan xabarda.
Halok bo‘lganlar orasida bir general, ikki polkovnik va 4 nafar o‘rta bo‘g‘in zobit bo‘lgan. Harbiylar halok bo‘lganini mamlakat bosh shtabi ham tasdiqladi.
"31 may kuni soat 20:55da Sougar AS 532 turidagi vertolyot parvozdan keyin elektr uzatish liniyasiga urilib, falokatga uchragan. Vertolyotda 13 kishi bo‘lgan. Olingan ma’lumotlarga ko‘ra ular halok bo‘lganlar", deb aytildi bosh shtab xabarida.
Voqea joyiga Turkiya mudofaa vaziri Fikri Ishik yo‘l olgan.
Shirnak viloyatida Turkiyada taqiqlangan Kurdiston ishchi partiyasiga qarshi operasiyalar o‘tkazib kelingan.