17 yil davomida farzand kutgan amerikalik er-xotin birato‘la olti bolaning ota-onasiga aylandi. Bu haqda mahalliy OAV xabar tarqatdi. Kelib chiqishi nigeriyalik Ajibola va Adeboyya Tayvo oilasi AQShning Virginiya shtatida istiqomat qiladi. Ularning ko‘p yillik orzusi farzandli bo‘lish edi. Nihoyat ularning birdaniga 3 o‘g‘il va 3 qizi dunyoga keldi. Chaqaloqlar kesar kesish yo‘li bilan tug‘ildi, tug‘ruqda 40 nafar tibbiyot xodimi qatnashdi.
Shifokorlarning aytishicha, chaqaloqlarning ahvoli yaxshi, biroq ular intensiv terapiya bo‘limida nazoratda qolmoqda.
Olti egizakning tug‘ilishi kamdan-kam kuzatiladi. Statistika ma’lumotlariga qaraganda, 2015 yilda AQShda 4 million chaqaloq tug‘ilgan, shundan atigi 24 holatda 4 va undan ortiq chaqaloqlar tug‘ilishi kuzatilgan.