AQShning sobiq davlat kotibi Hillari Klinton Donald Trampning prezidentligi sharmandalik va impichment bilan tugashi mumkinligini aytdi, deb yozadi Kun.uz sayti. Klinton bunday fikrni Massachusets shtatidagi Uellesli-kollej talabalari bilan uchrashuvda bildirib o‘tdi.Klinton Trampning nomini aytmay turib, uning prezidentligi "unga qarshi tergovni olib borgan odamni o‘z lavozimidan chetlatgandan keyin adolatga qarshilik ko‘rsatishi sababli sharmandalik va impichment bilan tugashi mumkinligini" aytgan.
Klinton o‘z nutqida Federal qidiruvlar byurosining sobiq direktori, 9 may kuni Tramp tomonidan o‘z lavozimidan bo‘shatilgan Jeyms Komini nazarda tutgan.