Lego kompaniyasi neftni qayta ishlash mahsulotlaridan o‘yinchoqlar va ularning upakovkalarini ishlab chiqarishni to‘xtatadi. Bu haqda kompaniyaning matbuot xabarnomasida aytildi, deb yozmoqda Kun.uz.
2030 yilga qadar kompaniya o‘yinchoqlar va upakovkalarni to‘laligicha qayta tiklanuvchi resurslardan ishlab chiqarishga o‘tmoqchi. Buning uchun 2016 yili maxsus bo‘linma tashkil etiladi. Markaz shtatida 100 kishi bo‘lib, ular plastik uchun sifatliroq va ekologik toza mahsulot qidirish bilan shug‘ullanadi. Markaz World Wide Fund markazi ko‘magida tashkil etiladi.
2014 yili Lego 60 mlrd o‘yinchoq g‘ishtchalar ishlab chiqardi. Ularni tayyorlashga 77 ming metrik tonna xom ashyo ketdi. Yangilanib boruvchi resurslarga o‘tilishi atrof muhitga keltirilayotgan zararni bir qadar kamaytirishi mumkin.