Kolumbiyaning Manisales shahrida ro‘y bergan ko‘chki 19 kishining o‘limiga sabab bo‘ldi. Yana 6 kishining taqdiri hozircha noma’lum.
Albaniya parlamenti prezidentlikka nomzod bo‘lmagani uchun mamlakat rahbariyatini saylay olmadi. Bosh vazir Edi Rama boshchiligidagi partiya birinchi raundda nomzodni ilgari surishni ma’qul ko‘rmadi. Agar saylovlarning 5 raundida ham nomzod taklif etilmasa, parlament tarqatiladi.
Venesuelaning Miranda shtatida o‘tkazilgan hukumatga qarshi namoyishlarda bir harbiy vafot etdi. Shu tariqa, mamlakatda o‘tgan ommaviy namoyishlarda qurbon bo‘lganlar soni 3 nafarga etdi.
Zimbabveda qo‘ylar rasman pul sifatida qabul qilinadigan bo‘ldi. Hukumat qoramol va ularning xizmati orqali ta’lim uchun to‘lash imkoniyatini yaratdi. Aholi, shuningdek, echkilarni ham pul sifatida taqdim etishlari mumkin.