Eronning sobiq prezidenti Mahmud Ahmadinajod davrida vise-prezident bo‘lgan Hamid Rizo Baqoiy bu yil o‘tadigan prezidentlik saylovlariga o‘z nomzodini qo‘yishini rasman e’lon qildi. Bu haqda "Tasnim" agentligiga tayanib "Kun.uz" xabar bermoqda. "Men Eron Islom Respublikasi prezidentining 12-sonli saylovlarida ishtirok etish uchun nomzodimni qo‘yishimni rasman e’lon qilaman", deb aytgan Baqoiy. Xabarda aytilishicha, Baqoiy saylovlarda hech qaysi partiya, guruh yoki biror bir siyosiy kuch bilan bog‘lanmagan holda, mustaqil nomzod sifatida ishtirok etadi.
2005 yildan 2013 yilgacha Eron prezidenti bo‘lgan Mahmud Ahmadinajod saylovlarga o‘z nomzodini qo‘ymasligini ma’lum qilgandi.
Ushbu saylovlar 2017 yil may oyida bo‘lib o‘tadi.