Ukraina prezidenti Pyotr Poroshenko Xavfsizlik bo‘yicha Myunxen anjumanidagi munozara vaqtida go‘yoki Rossiya prezidenti Vladimir Putinning Kievga nisbatan "adovati" borligini aytdi. Bu haqda "112 Ukraina" nashriga tayanib "Kun.uz" xabar bermoqda. "Putin Ukrainani juda yomon ko‘radi. U Ukraina davlati va xalqining o‘ziga xosligini tan olmaydi. U ommaviy tarzda Ukraina Rossiyaning bir qismi ekanligini aytdi. U Ukraina uchun Evropa siyosiy xaritasida joy ko‘rmayapti va Ukrainani rus ranglariga bo‘yamoqchi", deb aytgan Poroshenko.
Uning aytishicha, Moskvaning "ishtahasi" faqat Ukraina bilan chegaralanib qolmagan.