2000 yildan beri o‘z faoliyatini asosan Italiyada olib borayotgan olimning «cheksiz kompyuterlar» ishlanmasi hamda global optimallashtirish borasidagi tadqiqotlari nufuzli ilmiy jamiyat tomonidan tan olingan.
Fizika va matematika fanlari doktori sanalgan Sergeev ushbu sohalarning etakchi mutaxassisi bo‘lib, Global optimallashtirish xalqaro jamiyatining vise-prezidenti hisoblanadi.
Bundan avval, 2010 yil olim Italiyada matematika bo‘yicha xalqaro Pifagor mukofotiga munosib topilgan. Shuningdek, u 2008 va 2010 yillarda AQShdagi xalqaro kongresslar mukofotlari, Turkiyaning Izmir va Italiyaning Turin universitetlari mukofotlariga sazovor bo‘lgan.