IShID terrorchilik tashkiloti etakchisi Abu Bakr al-Bag‘dodiyning joylashgan o‘rni aniqlandi. Bu haqda France24 telekanaliga asoslanib Kun nashri xabar berdi.
"U yakkalangan va harakatlanishi cheklangan", deb ma’lum qilgan telekanal al-Obodiyga iqtibos keltirgan holda tvitterda. Iroq bosh vaziri bilan suhbatning boshqa tafsilotlari keltirilmagan.
Dekabr o‘rtalarida Iroq maxsus kuchlari qo‘mondoni Fozil Barvariy al-Bag‘dodiy Mo‘suldagi er osti bunkerida yashirinayotganini ma’lum qilgandi.
Avvalroq AQSh Davlat departamenti al-Bag‘dodiy haqidagi ma’lumot uchun mukofot pulini 25 mln dollargacha oshirgandi.
Asl ismi Ibrohim Avad Ibrohim al-Badriy bo‘lgan al-Bag‘dodiy birinchi marta ommaviy ravishda 2014 yil iyulda Mo‘suldagi masjidda ko‘rinish bergan. O‘shandan keyin OAVda uning yo‘q qilingani haqida bir necha xabarlar paydo bo‘lgan, biroq bu xabarlar tasdig‘ini topmagan.