Bugun, 6 fevral kuni qirolicha Elizaveta II ning taxtga o‘tirganiga 65 yil bo‘ldi va ushbu sana yoqut yubiley nomini oldi. Bu haqda “Euronews”ga tayanib “Qalampir.uz” xabar qildi.Aytish kerakki, Elizaveta II Britaniya monarxiyasi tarixida taxtda bu qadar uzoq o‘tirgan shaxs sifatida tarixda qolishi tayin. Ungacha hech kim bunday yubileyni nishonlamagandi.
2016 yilning sentyabr oyida u o‘zidan avvalgi qirolicha Viktoriyaning rekordini ham yangiladi.
Ushbu sana yuzasidan mamlakatda bayram tadbiri bo‘lib o‘tishi kutilmoqda. Biroq qirolicha uni o‘zining qishki uyida o‘tkazadi.