Braziliyaning Rorayma shtatidagi qamoqxonada ko‘tarilgan isyon tufayli kamida 33 kishi halok bo‘ldi. Bu haqda «Daryo» xabar bermoqda.Isyon sabablari hozircha ma’lum emas. Ekspertlar Braziliya qamoqxonalaridagi g‘alayonlar asosan jinoiy guruhlar mojarolari tufayli yuz berishini ta’kidlamoqda.
Ushbu tartibsizliklar Braziliyaning Manaus shahridagi shunga o‘xshash hodisadan atigi 5 kun o‘tib yuz berdi. O‘shanda 56 kishi g‘alayon qurboni bo‘lgan va shu tariqa qamoqxonadagi mushtlashuv tufayli 111 nafar mahbus halok bo‘lgan 1992 yildan keyingi eng katta isyonga aylangandi.