Smolensk oblastida istiqomat qiluvchi ayol pensioner eriga avtomaktabni tugallaganlik haqidagi soxta guvohnoma olib berdi. Bu haqda Carzone.uz xabar qildi.Tekshiruv jarayonida 35 yoshli mahalliy fuqaro Moskva oblastidagi avtomaktabni tamomlaganlik haqidagi qalbaki guvohnomani sotganligi aniqlandi. Firibgar g‘arazli maqsadda to‘ldirilmagan blankani soxtalashtirib sotganligini tan oldi.
Shundan so‘ng qalbaki haydovchilik guvohnomasi olib qo‘yildi. Uni tayyorlab sotgan shaxsga nisbatan “Davlat mukofotlari, shtamplar, muhrlar va blankalarni qalbakilashtirish, tayyorlash va sotish” bo‘yicha jinoiy ish qo‘zg‘atildi. Ushbu modda bo‘yicha ikki yilgacha ozodlikdan mahrum etish ko‘zda tutiladi.