Tailandning markaziy qismida joylashgan Ayuttxaya shahri yaqinida 18 sentyabr, yakshanba kuni daryo paromining halokatga uchrashi oqibatida halok bo‘lganlar soni 18 kishiga etdi. Bu haqda «TASS»ga asoslanib "Daryo" xabar bermoqda.«Sinxua» agentligining ma’lumotlariga ko‘ra, qurbonlar orasida 6 nafar ayol va kamida bitta yosh bola bor. Hukumat rasmiylari bedarak yo‘qolganlarni qidirishda davom etmoqda.
Avvalroq hodisa oqibatida halok bo‘lganlar 13 kishini tashkil etayotgani haqida xabar berilgan edi.
Ayuttxayadan Chaoprayya daryosi bo‘ylab 150 kishidan iborat musulmonlar guruhini diniy marosimdan Bangkok shahriga olib ketayotgan parom ko‘prik ustuniga urilgan va Bangkokdan 80 kilometr uzoqlikda cho‘kib ketgan.