Sony kompaniyasi robot-mashinalar ustida tadqiqotlar olib boradigan Yaponiyaning ZMP startapidan ulush sotib oldi, deya xabar bermoqda Financial Times.
Qayd etishlaricha, Sony kompaniyasi ZMP’ning 2 foiz aksiyasini 842 ming dollarga sotib olgan.
Kompaniyalar hamkorlikda to‘liq texnika yordamida boshqariladigan avtomobilni ishlab chiqishni rejalashtirishgan.
Bu kabi avtomobilni tayyorlashda Sony o‘zi tomonidan ishlab chiqilgan va ko‘plab smartfonlarda, xususan, Apple mahsulotlarida foydalanilayotgan surat datchiklaridan foydalanishni rejalashtirmoqda.
ZMP startapi Yaponiyada har turli robototexnikalarni ishlab chiqish ishiga zamonaviy yondashuvi bilan tanilgan.