Nissan LeafO‘zbekistonda elektromobillar uchun boj undirish tartibi yana bekor qilindi. Bu davlatimiz rahbarining 10 dekabrdagi yo‘l tarmog‘ini boshqarish tizimini yanada takomillashtirish to‘g‘risidagi qarorida belgilab qo‘yildi, deb yozadi Norma.uz.
Ayni paytda ham elektromobillarga bojxona to‘lovi ham, aksiz solig‘i ham solinmaydi.
Biroq Prezidentimizning shu yil iyun oyida qabul qilingan “O‘zbekiston Respublikasining tashqi iqtisodiy faoliyatini yanada tartibga solish hamda bojxona-tarif jihatdan tartibga solish tizimini takomillashtirish chora-tadbirlari to‘g‘risida”gi qarorida 2020 yil 1 yanvardan boshlab elektromobillarni olib kirish uchun 10 foizlik to‘lov ko‘rsatib o‘tilgan edi.
Oxirgi qarorda esa bu tartib bekor qilindi. Bundan buyon ham elektromobillarni yurtimizga bojxona bojlarini to‘lamasdan olib kirish mumkin. Gap TN VED 870380 kodli, faqat elektr dvigateli bilan harakatga keladigan transport vositasi haqida ketyapti.
Ma’lumot uchun, O‘zbekistonga joriy yil boshidan buyon 20 ta avtomobil olib kelingan bo‘lsa, davlatimiz rahbariga Qo‘qon shahrida qiymati 3000 AQSh dollarilik elektromobil namoyish etilgandi. “Shaffof omadli sanoat” 2021 yildan boshlab bu boradagi ishlab chiqarishni yo‘lga qo‘yishni rejalashtiryapti.