Tonirovka uchun to‘lov avval qancha edi, endi necha pul bo‘ldi? (infografika)

^{Foto: IIBB}
O‘zbekiston Respublikasining tusi o‘zgartirilgan (qoraytirilgan) transport vositalaridan foydalanish masalasiga oid qonunchiligiga o‘zgarishlar kiritilgani xabar qilingan edi.

Unga ko‘ra, avtomobil oynalarining tusini o‘zgartirish (qoraytirish) ruxsati uchun to‘lovlar narxini pasaytirishga qaror qilindi.
Toshkent shahar IIBB narxlar taqqoslamasi keltirilgan infografikalarni taqdim etdi.

Ilgari yengil avtotransport vositalari oynalarining tusini o‘zgartirishga ruxsatnoma berish narxlari quyidagicha bo‘lgan:

- jismoniy shaxslar uchun eng kam ish haqining 90 baravarini (joriy yilning 1-avgust kunidan EKIHning stavkasi 223 000 so‘mgacha oshishini inobatga olib, 20 070 000 so‘mni tashkil qiladi);
- yuridik shaxslar uchun EKIHning 120 baravari (26 760 000 so‘m);
chet ellik yuridik shaxslar uchun EKIHning 140 baravari (31 200 000 so‘m);
bundan tashqari, ilgari faqatgina orqa va orqa yon oynalarini qoraytirish mumkin edi.

^{Foto: IIBB}
Endi to‘lovlar quyidagi narxlarni tashkil etadi:

orqa yon oynalarning tusini o‘zgartirishga ruxsat olish:
- jismoniy shaxslar uchun – bazaviy hisoblash miqdorining 10 baravari (2 230 000);
- yuridik shaxslar uchun – bazaviy hisoblash miqdorining 20 baravari (2 230 000 so‘m);
O‘zbekiston Respublikasida faoliyat ko‘rsatayotgan xorijiy davlatlar yuridik shaxslari uchun – bazaviy hisoblash miqdorining 20 baravari (4 460 000 so‘m).

orqa va old yon oynalarining tusini o‘zgartirish (qoraytirish):
- jismoniy shaxslar uchun – bazaviy hisoblash miqdorining 50 baravari (11 150 000 so‘m);
- yuridik shaxslar uchun – bazaviy hisoblash miqdorining 50 baravarini (11 150 000 so‘m);
O‘zbekiston Respublikasida faoliyat ko‘rsatayotgan xorijiy davlatlar yuridik shaxslari uchun – bazaviy hisoblash miqdorining 80 baravari (17 840 000 so‘m).
«Bazaviy hisoblash miqdori» o‘zi nima? Ushbu ta’rif «eng kam ish haqi» ta’rifining o‘rniga qo‘llaniladi. Hozirda 1 BHM 223 000 so‘mga teng.

Shu bilan birga, avtomobillarning orqa oynalarini tusini yorug‘lik o‘tkazuvchanligini chegaralamasdan o‘zgartirish ruxsat etiladi.