Uzauto Motors bosh direktori v.b. Rustam Rajabov Asakadagi avtomobil zavodining taxminiy narxi qancha ekaniga oydinlik kiritdi. OAV vakillari ishtirokida zavodga tashkil etilgan press-tur doirasida shunday ma’lumot berildi, deb xabar bermoqda Kun.uz nashri. «Asakadagi avtomobil ishlab chiqarish juda murakkab stanoklar va texnologiyalarga ega. Birgina yig‘uv sexining o‘zi 4 qavatli tarkibiy qismdan iborat. Qolaversa, shunday nodir va noyob texnologiyalar borki, uni dunyoda faqat bir korxona yoki kompaniya ishlab chiqarib, yetkazib beradi. Butun zavod taxminan 1 mlrd dollar turadi», - dedi Uzauto Motors bosh direktori v.b. Rustam Rajabov.