Peterburgda o‘tkazilayotgan xalqaro iqtisodiyot forumida markaziy avtomobil va avtomotor ilmiy-tadqiqot instituti markazi tomonidan ishlab chiqilgan Aurus Senat avtomobili namoyish etildi, deb xabar berdi «Daryo» nashri.Ushbu forumda Rossiyada ishlab chiqarilgan boshqa mahsulotlar, maishiy texnika, mashinasozlik va yengil sanoat mahsulotlari, zamonaviy texnologiyalar namoyishi ham o‘tkazilmoqda.
Avvalroq Rossiya savdo-sanoat vaziri Denis Manturov Rossiya Aurus avtomobillariga 500 dan ortiq ariza olganini ma’lum qilgan.
Qayd etilishicha, dastlab ushbu avtomobillarga bo‘lgan ichki talab qondiriladi, keyinchalik esa mashinalar eksportga ishlab chiqarila boshlaydi.
Ularning chakana savdosi 2020 yilda boshlanadi.
