Xabarlarga ko‘ra koreys kompaniyasi tamoman yangi rusum ishlab chiqarmoqchi, avvaldan mavjud avtomobilni takomillashtirishni ko‘zda tutayotgani yo‘q. Ekspertlar yangi avtomobil yapon avtosanoatiga, xususan, Toyota Mirai vodorodmobiliga munosib raqobatchi bo‘lishini oldindan aytishyapti. Yapon vodorodmobili Toyota Mirai o‘z xaridorgirligi bilan kutilmagan natijani ko‘rsatgani haqida xabar bergan edik.Yangi avtomobil yoqilg‘isi 800 km yo‘l bosishga etadi. Eng yuqori tezligi 180 km/soat. Hozirgi kunda kompaniyaning eng yaxshi vodorodmobillaridan biri Hyundai Tucson Fuel Cell bo‘lib, uning yo‘l zaxirasi 594 kmga etadi, eng yuqori tezligi esa 161 km/soat.
Eslatib o‘tamiz: Hyundai Motor Company Janubiy Koreyaning avtomobilsozlik kompaniyasi bo‘lib, avtomobil ishlab chiqarish hajmi jihatdan jahonda to‘rtinchi o‘rinda turadi. “Hyundai” “zamonaviy” ma’nosini bildiradi.
2006 yilning yozida futbol bo‘yicha jahon kubogida Hyundai kompaniyasining vodorodga yuradigan avtobusi Berlinda turistlarni tashigan. Avtobusning yonilg‘i elementi quvvati 160 kVt bo‘lib, to‘la yonilg‘i bilan 300 km yo‘l bosgan.