«GM Uzbekistan» kompaniyasi Xotira va qadrlash kuni hamda muqaddas Ramazon oyi munosabati bilan «Tracker Premier AT» avtomobiliga 16 million so‘m miqdorida bayramona chegirma e’lon qildi. Bu haqda kompaniya matbuot xizmati xabar berdi.Aksiya 8 maydan e’tiboran respublikamizning barcha avtosalonlarida 100 foiz oldindan to‘lov amalga oshirilgan avtomobillar uchun joriy yilning 5 iyuniga qadar amal qiladi.
«Tracker» modelini shuningdek, 128 mln so‘m dastlabki to‘lovni amalga oshirgan holda 2 yil foizsiz muddatli to‘lovga ham xarid qilishingiz mumkin.
Mazkur chegirma aksiyasi muddatli to‘lovga xarid qilinayotgan avtomobillarga amal qilmaydi.