GM Uzbekistan Navroʻz bayrami munosabati bilan Malibu va Tracker avtomobillariga 3 foizli chegirma eʼlon qildi.Kompaniyaning maʼlum qilishicha, aksiya joriy yilning 19 martidan eʼtiboran kompaniyaning rasmiy dilerlaridan 100 foiz oldindan toʻlov amalga oshirgan holda ushbu avtomobillarni xarid qilish istagida boʻlgan mijozlarga taqdim etiladi. Aksiya joriy yilning 31 martiga qadar amal qiladi.
Bundan tashqari bugungi kunda kompaniya foizsiz muddatli toʻlovga ham ushbu modeldagi avtomobillarni xarid qilishni taklif qilmoqda. Unga koʻra, xaridor 215 mln soʻm boshlangʻich toʻlov evaziga Malibu Turbo, 190 mln soʻm boshlangʻich toʻlov evaziga Malibu, hamda 128 mln soʻm boshlangʻich toʻlov evaziga Chevrolet Tracker xarid qilib, avtomobilning qolgan summasini 2 yil davomida foizsiz boʻlib toʻlash imkoniga ega boʻladi.
Avtomobilni muddatli toʻlovga xarid qilgan mijozlarga 3 foizli chegirma amal qilmaydi.