JD Power tadqiqotchilik kompaniyasi ekspertlari 2018 yilning eng yaxshi avtomobillari roʻyxatini tuzishdi.Mutaxassislar millionga yaqin avtomobil egalari bergan maʼlumotlarni tahlil qilishgan. Tadqiqot 600 dan koʻproq avtomobil modelini qamrab olgan. Avtomobillar 100 ballik shkala boʻyicha baholangan. Bunda sifat, ishonchlilik, dizayn, dinamik xususiyatlar, avtomobil egalari fikri va modellar taqdirlangan turli mukofotlar kabi mezonlar hisobga olingan.
Reytingga 13 avtomobil modeli kiritilgan. Eng yuqori bahoni Porsche 911 olgan.
2-oʻrinni Hyundai Genesis G90 modeli 93 ball bilan, 3-oʻrinni esa 92 ball bilan Mercedes-Benz S-Class modeli egallagan.
Roʻyxatga Porscheʻning yana 3 modeli (Macan, 718 va Cayenne), Lincolnʻning 2 modeli (Continental va Navigator), Lexusʻning 2 modeli (RX va GS) kiritilgan. Shuningdek, reytingdan BMW 7 Series, Cadillac Escalade va Genesis G80 modellari joy olgan.