Germaniyada 1981 yilda ishlab chiqarilgan noyob BMW M1 avtomobili sotuvga qo‘yildi, bu avtomobil 965 ming dollarga baholandi. Evo nashrining ma’lum qilishicha, bu avtomobil bozordagi ko‘pchilik shunday mashinalardan deyarli ikki marta qimmatroqni tashkil qiladi, deb yozmoqda Kun.uz.
Hammasi bo‘lib M1 modelidan 453 dona ishlab chiqarilgan, biroq ulardan uch donasigina kulrang Polaris Silver rangiga bo‘yalgan. Ulardan biri zavod prototipi hisoblanadi, ikkinchisi “Formula-1” avtopoygasi bosh promouteri Berni Ekklstounning, uchinchisi esa fransiyalik bir noma’lum kishining buyurtmasi bilan tayyorlangan. Aynan shu uchinchi M1 sotuvga qo‘yildi.
Avtomobil bor-yo‘g‘i 17,5 ming km bosib o‘tgan hamda to‘liq original holatda va barcha qismlari asl holicha saqlanib qolgan.
Ushbu orqa privodli sportkar 277 ot kuchiga ega olti silindrli, 3,5 litrli dvigatel va 6 pog‘onali mexanik uzatmalar qutisi bilan jihozlangan. Avtomobil 0 dan 100 km tezlikkkacha taxminan 6 sekundda erishadi. Avtomobilning maksimal tezligi soatiga 260 km.ni tashkil qiladi.