Xitoyning GAC kompaniyasi Enlight elektrli superkarining tizerini namoyish qildi. Prototip noyabr oyida Guanchjou avtosalonlaridan birida ommaga ko‘rsatiladi.Daragi chiqqan superkar to‘la uzatmali bo‘lishi, avtopiloti hamda to‘laligicha elektrda harakatlanishi ma’lum. Seriyali ishlab chiqarilish ehtimoli aytilmadi.
GAC elektrli superkar ishlab chiqarayotgan birinchi Xitoy kompaniyasi emas. Masalan, aprel oyida BAIC firmasi Pekin avtosalonida ArcFox-7 elektromobilini namoyish etdi. ArcFox-7 603 ot kuchiga ega bo‘lib, litiy-ionli akkumulyatorlar o‘rnatilgan. Elektrli kupe yuz tezlikka uch soniyada erishishi, ayniqsa, diqqatga sazovordir.
Noyabr oyi oxirida Londonda Xitoyning NextEV kompaniyasi 1360 ot kuchiga ega bo‘lgan giperkarni namoyish qiladi. U ham uch soniyada 100 km/soat tezlikka chiqadi, maksimal tezligi soatiga 300 km.