Yaponiyaning dunyoga mashhur Toyota Motor kompaniyasi to‘rt yildan so‘ng ekologik toza avtomobillarni ko‘p sonda ishlab chiqarishini “Carzone.uz” saytii xabar qildi.Unda yozilishicha, avtokonsern 2017 yildan boshlab elektromobil ishlab chiqarishni rejalashtiruvchi guruhni shakllantiradi. Bo‘lajak elektromobillarning zaryadi 300 km yo‘l bosishga etadi. Mashinalar Prius va Corolla platformasida yasaladi.
Elektromobillarni yalpi ishlab chiqarish 2020 yilga belgilangani bejiz emas. Chunki shu yili Yaponiyada “Olimpiada-2020” o‘tkaziladi va dunyoning diqqati kunchiqar yurtga qaratiladi. Kompaniya dunyo bo‘ylab elektromobillarga talab ortib borayotganligi bois shunday qarorga keldi.