Bugun, 8 sentyabr kuni Toshkentning Chilonzor tumanida navbatdagi mudhish YTH qayd etildi. Ma’lumotlarga qaraganda, BMW avtomobili katta tezlikda kelib yo‘l chetidagi ko‘p yillik daraxtlardan biriga urilgan. Bu haqda Qalampir.uz xabar bermoqda.Gap shundaki, katta tazlikda harakatlanib kelayotgan BMW avtomobili daraxtga borib urilgan. Uning yo‘l chetidagi daraxt bilan to‘qnashishi sabablari ma’lum emas. Avtomobil voqea joyining o‘zida yonib ketgan. Guvohlarning ma’lum qilishicha, haydovchi vafot etgan. Yong‘in yuz bergan hududga zudlik bilan Yong‘in xavfsizligi xodimlari etib kelib, alangani bartaraf etishgan.