GM Uzbekistan qo‘shma korxonasi gaz balloni uskunasi bilan jihozlangan Lacetti avtomobil modelini ommaviy ishlab chiqarishini ma’lum qildi.
Loyiha doirasida GM Korea hamda Landi-Renzo (Italiya) kompaniyalari bilan birgalikda avtomobil va gaz balloni uskunasi ustida o‘lchov ishlari olib borildi, shuningdek GBUga ta’luqli bo‘lgan butlovchi qismlar bilan bir qator zaruriy bo‘lgan sinov ishlari olib borildi deya habar beradi
bibi.uz sayti GM Uzbekistan kompaniyasining facebook ijtimoiy tarmog‘idagi rasmiy sahifasiga asoslanib.
Ikki xil turdagi yonilg‘iga moslashtirilgan, kuchaytirilgan dvigatel optimal darajada ishlashi uchun GM Korea bilan birgalikda avtomobil ustida sinov ishlari olib borildi. GM Uzbekistan korxonasiga Italiyaning Faber (ballonlar) hamda “Uzavto-Landi Renzo” qo‘shma korxonasi (kapot osti butlovchi qismlar) o‘rnatiladigan GBUlarni etkazib beradi.
GBU bilan ta’minlangan mashina, to‘la yoqilg‘i bilan (benzin va gazni birgalikda hisoblaganda) 1130 km masofani bosib o‘tishi mumkin, ya’ni 850 km benzinda va 280 km gazda (tezlik 90 km/s hisobidan 280 km masofa, shahar oqimida 230 km masofa). Mashina gazdan (gaz tamom bo‘lgan hollarda) avtomatik tarzda benzinga o‘tadi va huddi shunday benzindan gazga o‘tadi.
Mutaxasisslar havfsizlikga alohida e’tibor qaratishgani haqida ham ma’lum qilishdi. Mashina ishlab chiqarish davrida barcha pog‘onalarda qattiq sifat nazorat ostidan o‘tadi, shu jumladan gazning to‘g‘ri taqsim bo‘yicha oqishi va hech qayerdan qo‘yib yubormayotganligi zamonaviy o‘lchtov uskunalari va elektron qurilmalar orqali aniqlanadi.
Eslatma o‘rnida; GM Uzbekistan qo‘shma korxonasi GBU bilan jihozlangan Lacetti narxi keyinroq e’lon qilinishi haqida ma’lum qildi.