Bugun ijtimoiy tarmoqlardagi ko‘plab foydalanuvchilar Toshkent shahridagi Bunyodkor shoh ko‘chasi va Muqimiy ko‘chasi tutashgan chorrahada kuni bilan tirbandlik bo‘lgani haqida fotosuratlar orqali xabar qoldirishgan edi. Mazkur hududda tramvay yo‘llarini demontaj qilish bilan bog‘liq ishlar olib borilayotgani sabab kunning ayrim paytlarida tirbandlik yuzaga kelmoqda. Bu haqda "Qalampir.uz" xabar berdi.
Ijtimoiy tarmoqlardagi “Voditeli Tashkenta” guruhi a’zolari biroz avval Bunyodkor shoh ko‘chasi va Muqimiy ko‘chasi tutashgan chorrahada YTH sodir bo‘lgani haqida xabar berishdi. Navbatdagi YTH oq rangdagi Lacetti va VAZ-2109 avtomobillari ishtirokida qayd etildi.
YTH haqida tarmoqda to‘liq ma’lumot berilmagan. Taxminlarga qaraganda, Lacetti’ning qoida buzishi YTHga sabab bo‘lgan bo‘lishi mumkin.
YHTda avtomobil haydovchilaridan biri jarohatlangan va voqea joyiga zudlik bilan Tez yordam ham YPX xodimlari etib kelgan. YTH natijasida Bunyodkor shoh ko‘chasi va Muqimiy ko‘chasi tutashgan chorrahada yana tirbandlik kuzatildi.