IIV YHXBB respublika hududida avgust oyida ishga tushirilgan onlayn rejimda ishlovchi statsionar radarlar to‘g‘risida ma’lumot berdi. Unga ko‘ra, o‘tgan bir oy ichida Surxondaryo viloyatida 5 ta statsionar, Samarqand viloyatida 2 ta PDD radar ishga tushirilgan.Foto: YHXBB
Eslatib o‘tamiz, 2021 yilning aprelida O‘zbekistonda qoidabuzarliklarni aniqlash uchun kameralarni o‘rnatish tartibi haqida hukumatning tegishli qarori qabul qilindi.
Unga ko‘ra, maxsus avtomatlashtirilgan foto va video qayd etish dasturiy-texnik vositalari o‘rnatilishi mumkin bo‘lgan joylarning dislokatsiyasi ishlab chiqiladi hamda E-ijro auksion platformasi orqali onlayn auksionga qo‘yiladi. Tizim o‘rnatilishi mumkin bo‘lgan joy dislokatsiyasi, mazkur hududdagi transport oqimi va oxirgi 2 yilda aniqlangan qoidabuzarliklar to‘g‘risidagi ma’lumotlar ochiq e’lon qilinadi.
Iyun oyidan boshlab O‘zbekistondagi chorraha va yo‘llarda radar va kameralar qo‘yish joylari auksion orqali savdoga qo‘yilishi boshlandi. 1 iyul kuni E-auksion saytida birinchi bor Toshkent shahrida radar o‘rnatiladigan joylar auksionga chiqarildi.