O‘zbekiston kubogi finalidan so‘ng ikki jamoa bosh murabbiylari ishtirokida matbuot anjumani tashkil etildi. Unda dastlab "sherlar" ustozi Piter Xyuistra o‘yin borasida o‘z fikrlarini bildirib o‘tdi.- O‘yin qiyin o‘tishini bilardik. Biz qizil kartochkadan so‘ng asabiylashdik. Futbolchilarim bunday imkoniyatdan foydalana olmadi. Butun mavsumdagi chiroyli o‘yinimizni ko‘rsata olmadik. "Nasaf" esa aksincha juda tartibli harakat qildi.
Bir kishi ko‘p bo‘lgach, negadir shogirdlarim ko‘ngildagidek o‘ynay olmadi. Asabiylashish holati kuzatildi.
O‘zbek futbolida barcha VAR bilan o‘ynashni o‘rganishi lozim. Ya’ni VAR uchrashuvda bor ekanligini his qilishi darkor. Har qanday holat kameralarga aks etishini inobatga olish kerak.
Biz ertaga rahbariyat bilan kelajak haqida gaplashamiz. Ko‘p narsa boshqa faktorlarga ham bog‘liq. Kelgusi rejalar ham hal qilinadi. Eng asosiysi, avval ham aytib o‘tganimdek, menga O‘zbekiston yoqadi va bu yerda ishlashdan mamnunman, - dedi Piter Xyuistra.