“Zamin”ni Telegramʻda oʻqing! Join!
Zamin.uz
, 09 2021, 05:11
ЎЗO‘Z

Mag‘lubiyat alam qildi va Mourino “Roma”ning yarim tarkibini haydayapti!

23 okt, 11:44 1 810 Sport
“Zamin”ni Telegramʻda oʻqing!
Mag‘lubiyat alam qildi va Mourino “Roma”ning yarim tarkibini haydayapti! A Seriyada “Verona”, “Latsio” va “Yuventus”dan uchralgan mag‘lubiyat, Konferensiyalar ligasida “Budyo-Glimt”ning qaqshatqich zarbasi “Roma” hali eng yuqori maqsadlar sari kurashishiga erta ekanidan dalolat bermoqda.

“Roma”ni grand klubga aylantirish uchun olib kelingan Joze Mourino har bir muvaffaqiyatsizlikdan keyin jamoa zaxirasi zaif ekani, yuqori malakali ijrochilar yetishmayotgani haqida noliyotgan edi va uning gapida jon bordek ko‘rinmoqda.

Mourino boshqargan jamoalar Norvegiyadagi o‘yinga qadar hech qachon oltita gol o‘tkazmagan. Porutagiyalik murabbiy “Budyo-Glimt”ga boy berilgan sharmandali hisob uchun javobgarlikni o‘z bo‘yniga olgan bo‘lsa-da, tarkibdagi muammolarni ham bir tilga olib o‘tdi.

Italiya futboli ekspertlarining fikriga ko‘ra, Norvegiyadagi mag‘lubiyatdan so‘ng Mourino klub rahbariyatini tarkibni yanada kuchaytirishga ko‘ndiradi. Ommaviy axborot vositalari esa, Joze hozirdan o‘ziga to‘g‘ri kelmayotgan barcha o‘yinchilardan qutilib, uning talablarini bajarishga qodir yangi futbolchilarni olishga qaror qilganini yozmoqda.

Demak, ketishi kutilayotganlar kimlar?
“Roma”ning eng muammoli nuqtasi o‘ng qanot va markaziy himoya ekani aytilmoqda. Rik Karsdorpning bir o‘zi o‘ng qanotni to‘liq yopolmayapti. Unga yordamchi va o‘rinbosar kerak. 6,5 million yevroga xarid qilingan amerikalik himoyachi Brayan Reynolds buni uddalay olmayapti va himoyachi sifatida Jozega umuman kerak emasligi uchun birinchi sotiladi. Markaziy himoyachilardan Kris Smolling ko‘p jarohatlanyapti, Marash Kumbulla ham murabbiylar ishonchini qozona olmadi. Federiko Fasio, Davide Santonga bosh murabbiy imkon berishni ham lozim topmadi. Qizig‘i, hozircha bu o‘yinchilarning birortasiga talabgor ham chiqmadi.

Mourino himoyada yosh Rikkardo Kalafori va jarohatini davolayotgan Leonardo Spinatssolaga suyanishdan tashqari, ularning yoniga tajribali himoyachilarni qo‘shmoqchi.

Yarim himoyada vaziyat murakkab. Muntazam o‘ynayotgan Jordan Veretu, Brayan Kristante, Lorenso Pellegrini, Genrix Mxitaryan, Nikolo Dzanologa munosib o‘rinbosar yo‘q. Amadu Diavara, Gonsalo Vilyar, Edoardo Bove, Ebrima Darbo, Nikola Zalevski yetakchi yarim himoyachilarning o‘rnini bosa olamayapti va ular katta ehtimol bilan o‘z joyini bu ishni amalga oshirishga qodir bo‘lgan kuchli va tajribali hamkasblariga bo‘shatib berishiga to‘g‘ri keladi.

“Roma”ning hujum chizig‘i eng kuchli raqobatga ega. Mourino asosiy hujumchi sifatida Temmi Abraxamni o‘ynatyapti. Eldor Shomurodov, Stefan El-Shaaravi, Karles Peres zaxiradan bo‘lsa-da, muntazam o‘yin amaliyotiga ega bo‘lmoqda. Mourino ishonch bildirmayotgan yagona hujumchi – “Real” tarbiyalanuvchisi Borxa Mayoraldir. O‘tgan mavsumda rimliklar tarkibida Veretu bilan birga eng ko‘p gol urgan va doim asosiy tarkibda o‘ynagan ispaniyalik hujumchi Mourino kelganidan keyin zaxiraga mixlandi. Aslida, Mourino faoliyatida jamoa yetakchilaridan birini o‘yindan chetlatish usulini ko‘p qo‘llaydi va hozir bu yangilik emas.

Mayoralning atrofidagi vaziyatdan kelib chiqib, “Roma” mutasaddilari “Real”dan ijaraga olingan hujumchini 20 million yevroga transfer qilish huquqidan foydalanmaydigan bo‘ldi va uni Madridga qaytarib yuboradi.

Ta’kidlash joizki, Joze Mourino va uning shogirdlari oldida murakkab vazifalar va uzun mavsum turibdi. “Roma”ni qo‘llab-quvvatlash uchun sovuq Norvegiyagacha borgan eng ashaddiy muxlislar sharmandali mag‘lubiyatdan keyin jamoaning uzrini qabul qilmadi va munosabatlarni tuzatish uchun futbolchilar oldiga shart qo‘ydi. Unga ko‘ra, “Roma” yakshanba kuni “Olimpiko” arenasida bo‘ladigan 9-tur uchrashuvida yengilmas jamoaga aylanib qolgan “Napoli”ni tiz cho‘ktirishi talab etiladi.

Mazkur uchrashuv 24 oktabr kuni Toshkent vaqti bilan 21:00da boshlanadi.



Mavzuga oid yangiliklar
  • Faqat Eldor mardlik qildi. “Budyo-Glimt” futbolchilari nega Shomurodovdan hayratga tushdi? 23 okt, 11:16
  • Mourino yirik hisobdagi mag‘lubiyatdan so‘ng nimalar dedi? 22 okt, 17:17
  • Konferensiyalar Ligasi. "Roma" safarda sharmandali mag‘lubiyatga uchradi 22 okt, 00:05
  • Mourino: Jamoani yarim yo‘lda tashlab ketmayman! 21 okt, 19:45
  • Mourino "Yuve"ga yutqazganidan so‘ng: "G‘alabaga loyiq jamoa yutqazib qo‘ydi" 18 okt, 09:25
  • Joze Mourino: Men matbuotni sog‘indim 16 avg, 22:43
  • So'nggi yangiliklar
  • YECHL. Dramatik kechgan bahsda "Zenit" "Chelsi" bilan durang o‘ynadi 09 dek, 01:01 434
  • Said Muxtorov Kamila Gimandinovani zo‘rlashga uringani haqidagi aktrisaning iddaosiga munosabat bildirdi 09 dek, 00:40 550
  • Ravshan Ermatov O‘zbekiston U-18 va olimpiya terma jamoalarining keyingi yil rejalari bilan tanishdi 09 dek, 00:00 460
  • Хonanda Muhammadkarim Soipov 58 yoshida vafot etdi 08 dek, 23:40 492
  • Qudratillo Abduqahhorov: "Amerikada kattaroq nomlar bilan jang qilishni hohlayman" 08 dek, 23:00 517
  • Mourino Shomurodovning raqobatchisini tanladi! 08 dek, 22:30 688
  • O‘zbekiston ayollar terma jamoasiga yaponiyalik murabbiy ustozlik qiladi 08 dek, 22:00 524
  • Denovdagi portlashdan zarar ko‘rgan ob’ektlar soni oshkor qilindi 08 dek, 21:30 552
  • O‘zbekiston elektr energiyasi eng arzon 10 ta davlat qatoriga kirdi 08 dek, 21:05 468
  • Napoleonning to‘pponchalari va qilichi 2,9 million dollarga sotildi 08 dek, 20:35 431
  • Toshkentdagi «Aviasozlar» bozorida iste’molga yaroqsiz go‘sht aniqlandi 08 dek, 20:08 416
  • AQSH butun dunyodagi jurnalistlar himoyasi uchun mablag‘ ajratadi 08 dek, 19:43 336
  • Bo‘limlar