“Zamin”ni Telegramʻda oʻqing! Join!
Zamin.uz
, 09 2021, 02:21
ЎЗO‘Z

"Roma"ning kechagi mag‘lubiyatidan so‘ng Shomurodov tanqid ostida qoldi!

20 sen, 09:29 1 259 Sport
“Zamin”ni Telegramʻda oʻqing!
"Roma"ning kechagi mag‘lubiyatidan so‘ng Shomurodov tanqid ostida qoldi! A Seriyaning to‘rtinchi turida “Roma” bosh murabbiyi Joze Mourino ilk marotaba Eldor Shomurodovni boshlang‘ich tarkibda maydonga tushirdi. UYEFA Konferensiyalar ligasi va A Seriyaning uchtadan uchrashuvida portugaliyalik murabbiy shogirdlari raqiblar ustidan ishonchli g‘alaba qozongani rimlik muxlislarning “Verona”ga qarshi bo‘ladigan bahsda ham ijobiy natijaga umid qilishiga asos edi.

Bir qarashda, “Roma” bir vaqtning o‘zida ikki hujumchi – Eldor Shomurodov va Temmi Abraxam bilan o‘ynagandek ko‘rinadi. Lekin Joze o‘z taktikasidan voz kechmadi. Markaziy hujumchi sifatida angliyalik yulduz o‘ynadi, Eldor asosan chap qanot yarim himoyachisi vazifasini bajardi. Bu taktika ish bermadi.

Shu kungacha Mourino jamoasining qahramonlari bo‘lib kelgan Eldor ham, Abraxam ham mavsumdagi ilk mag‘lubiyat qayd etilgan uchrashuvda o‘zini ko‘rsata olmadi. Jamoa 2:3 hisobida yengildi, buning oqibatida shu kungacha maqtab kelingan “Roma” hujum chizig‘i vakillari tanqid ostida qoldi.

“Roma” muxlislarining ijtimoiy tarmoqlarda Eldor Shomurodov va Temmi Abraxam o‘yini borasida bildirayotgan fikrlarini o‘zbekistonlik muxlislar e’tiboriga havola qilamiz.

Luca Bemportato: Rasvo o‘yin bo‘ldi. Menimcha, boshlang‘ich tarkibni tanlashda xatoga yo‘l qo‘ydik. Shomurodov markaziy hujumchi sifatida foydaliroq o‘ynarkan. Uni chap qanotda o‘ynatish befoyda ekan.

Giuseppe Agnelli (Luca Bemportato fikriga javoban): Qaysidir ma’noda shunday. Agar Shomurodov o‘yin boshidan ikkinchi hujumchi sifatida raqib darvozasiga yaqin o‘ynaganida “Verona” jarima maydonchasida ularga katta bosim uyushtirgan bo‘lardi.

Alessandro Monti: Shomurodovdan ko‘p narsa kutgan edim, afsus. UYEFA Konferensiyalar ligasida o‘zini ko‘rsata olgan futbolchi bu gal maydonda yo‘qolib qoldi.

Gianluca Lattavo: Bu uchrashuvda hujumchilarimiz o‘yindan tashqarida qolib ketdi. Shomurodov va Abraxam bir bo‘lib faqat bitta zarba berdi xolos. Bu ikki hujumchi uchun umumiy hisobda 60 million yevro to‘lagan edik.

Emanuele Cestari (Gianluca Lattavo fikriga javoban): Biz ikki nafar “yangi Shik”ni olganga o‘xshaymiz. Darvozani to‘g‘ri nishonga ololmaydigan ikkita hujumchiga bir necha o‘n millionlab mablag‘ sarflaganmiz.

Riccardo Giancone (Gianluca Lattavo fikriga javoban): Faqat hujumchilarni tanqid qilish yaramaydi. Bu gal butun jamoa yomon o‘ynadi.

Giancarlo Della Monica: Hujumchilarimizning ikkalasi ham bo‘sh o‘ynadi. Shomurodov Abraxamdan farqli ravishda himoyaga qarashdi, raqibdan to‘pni olib qo‘yishga harakat qildi. Abraxam hali ham Angliyadan futbol o‘ynashni bilmaydigan bir qishloqqa keldim, deb yuribdi. Bu yog‘iga u yarim kuchi bilan to‘p tepmoqchi bo‘lyapti.

Alessandro Artimisio: Shomurodov chap qanot xavbeki sifatida “yo‘qolib qoldi”. Menga xuddi bu pozitsiyada avval o‘ynamagandek ko‘rindi.

Shu tariqa, “Roma” A Seriyada ilk bor ochko yo‘qotib, birinchi o‘rindan pastlay boshladi. Mourino va shogirdlarining g‘alabali seriyasiga chek qo‘yildi. “Roma” beshinchi tur uchrashuvida o‘z maydonida “Udineze”ni qabul qiladi. Bu bahs 23 sentabrga belgilangan.



Mavzuga oid yangiliklar
  • "Roma" – SSKA bahsida Eldor Shomurodov necha ballga loyiq ko‘rildi? 17 sen, 06:45
  • Mourino: Men qo‘rqqanimdan yolg‘on gapirdim! 13 sen, 14:14
  • Shomurodov – eng xavfli hujumchi! 26 avg, 15:30
  • Joze Mourino: Eldor Shomurodov «Roma»ga kelishi bilan o‘zini ko‘rsatdi 18 avg, 15:53
  • Mourino baribir Angliyadan hujumchi oladi 14 avg, 14:39
  • Shomurodov keldi, endi "Roma"ga jahon chempioni kerak emas! 03 avg, 22:44
  • So'nggi yangiliklar
  • YECHL. Dramatik kechgan bahsda "Zenit" "Chelsi" bilan durang o‘ynadi 09 dek, 01:01 272
  • Said Muxtorov Kamila Gimandinovani zo‘rlashga uringani haqidagi aktrisaning iddaosiga munosabat bildirdi 09 dek, 00:40 349
  • Ravshan Ermatov O‘zbekiston U-18 va olimpiya terma jamoalarining keyingi yil rejalari bilan tanishdi 09 dek, 00:00 352
  • Хonanda Muhammadkarim Soipov 58 yoshida vafot etdi 08 dek, 23:40 366
  • Qudratillo Abduqahhorov: "Amerikada kattaroq nomlar bilan jang qilishni hohlayman" 08 dek, 23:00 424
  • Mourino Shomurodovning raqobatchisini tanladi! 08 dek, 22:30 569
  • O‘zbekiston ayollar terma jamoasiga yaponiyalik murabbiy ustozlik qiladi 08 dek, 22:00 468
  • Denovdagi portlashdan zarar ko‘rgan ob’ektlar soni oshkor qilindi 08 dek, 21:30 496
  • O‘zbekiston elektr energiyasi eng arzon 10 ta davlat qatoriga kirdi 08 dek, 21:05 404
  • Napoleonning to‘pponchalari va qilichi 2,9 million dollarga sotildi 08 dek, 20:35 391
  • Toshkentdagi «Aviasozlar» bozorida iste’molga yaroqsiz go‘sht aniqlandi 08 dek, 20:08 366
  • AQSH butun dunyodagi jurnalistlar himoyasi uchun mablag‘ ajratadi 08 dek, 19:43 288
  • Bo‘limlar