Foto: «Nasaf FK»Futbol bo‘yicha OFK Kubogining chorak final (Markaziy Osiyo finali) o‘yinida «Nasaf» 25 avgust, chorshanba kuni «Ahal» bilan bahs yuritdi.
Qarshida kechgan bahsda umumiy hisobda 5 ta gol kiritildi. Dastlab qarshiliklar 26-daqiqada Marko Stonoyevichning uzoq masofadan yo‘llagan super zarbasidan so‘ng hisobda oldinga chiqib oldi. 32-daqiqada esa Andriya Kaluderovich chap qanotdan oshirilgan to‘pni darvozaga joylab qo‘ydi. Jamoalar tanaffusga shu hisobda yo‘l oldi.
Ikkinchi 45 daqiqalikda Turkmaniston klubi ketma-ket ikki bor gol urib, muvozanatni tikladi. Biroq 77-daqiqada Husayn Norchayev 11 metrlik jarima zarbasidan unumli foydalanib, «Nasaf»ga g‘alaba keltirdi.
Shu tariqa «Nasaf» Markaziy Osiyo mintaqasi g‘olibi bo‘ldi. Endilikda Ro‘ziqul Berdiyev shogirdlari musobaqaning yarim final bosqichida Hindistonning «Mohun Bagan» klubi bilan bahs yuritadi.
OFK Kubogi
Chorak final (Markaziy Osiyo mintaqasi finali)
«Nasaf» O‘zbekiston — «Ahal» Turkmaniston 3:2
Gollar: 1:0 — 26 Stanoyevich, 2:0 — 32 Kaluderovich, 2:2 — 60 Tagayev, 2:2 — 69 Tagayev (pen), 3:2 — 77 Norchayev.
«Nasaf»: 1.Umidjon Ergashev, 4.Husniddin Aliqulov, 8.Dilshod Saidov, 19.Husayn Norchayev, 22.Akmal Mozgovoy, 34.Sherzod Nasrullayev, 77.Oybek Bozorov (7.Doniyor Narzullayev, 90+3), 10.Bahrom Abdurahimov (70.Abubakr Rizo Turdaliyev, 62), 88.Marko Stanoyevich, 92.Umarbek Eshmurodov, 99.Andriy Kaluderovich (20.Suhrob Nurullayev, 62).
«Axal»: 1.Rasul Choriyev, 3.Gurbanguli Ashurov, 5.Abdi Bashimov (11.Didar Durdiyev, 86), 7.Elman Tagayev, 9.Mirza Beknazarov (13.Shohrat Suyunov, 73), 14.Meylis Diniyev (12.Ibrahim Mamedov, 56), 21.Rasul Hojayev, 23.Xoshgeldi Xojovov (20.Pirmirat Sultonov, 56), 29.Serdar Geldiyev, 71.Ata Geldiyev, 10.Gurban Annayev (6.Arzuvguli Saparguliyev, 86).