“Zamin”ni Telegramʻda oʻqing! Join!
Zamin.uz
, 03 2021, 16:33
ЎЗO‘Z

O‘zbekiston va Qatar futbol assotsiatsiyalari o‘rtasida hamkorlik shartnomasi imzolandi

21 iyun, 22:32 1 337 Sport
“Zamin”ni Telegramʻda oʻqing!
O‘zbekiston va Qatar futbol assotsiatsiyalari o‘rtasida hamkorlik shartnomasi imzolandi
Bugun poytaxtimizdagi "Hilton" mehmonxonasida O‘zbekiston va Qatar futbol assotsiatsiyalari prezidentlari Abdusalom Azizov va Shayx Hamad bin Halifa Bin Ahmad Al Tani o‘rtasida Hamkorlik shartnomasini imzolashga bag‘ishlangan uchrashuv bo‘lib o‘tdi.
Ikki mamlakat futbol assotsiatsiyalari o‘rtasida imzolangan memorandumda ko‘zda tutilgan ko‘p yillik hamkorlik aloqalari bugun yangi bosqichga chiqdi.

Bugun O‘FA prezidenti Abdusalom Azizov va QFA prezidenti Shayx Hamad bin Halifa Bin Ahmad Al Tani amalda bo‘lgan ushbu memorandumga qo‘shimcha sifatida futbolni rivojlantirish, futbol birdamligini oshirish, o‘zaro tajriba almashish, musobaqalar tashkilotchiligi, murabbiylar malakasi va futbol jarayonlari xavfsizligi bilan bog‘liq masalalarni o‘z ichiga olgan hamkorlik shartnomasini imzoladilar.

Rahbarlar ushbu hamkorlik shartnomasi so‘nggi davr mobaynida ko‘plab hamkorliklarga zamin yaratganligi alohida ta’kidladilar. Shuningdek, ular kelajakda ham O‘zbekiston va Qatar futbol assotsiatsiyalari o‘rtasidagi muvaffaqiyatli hamkorlik rivojlanishda davom etishiga ishonch bildirdi.

O‘FA rahbari Abdusalom Azizov futbolni rivojlantirish, ayniqsa, terma jamoalarga foyda keltiradigan iqtidorli futbolchilarni tarbiyalash, terma jamoalarni tizimli ravishda shakllantirish muhim ekanligini e’tirof etib, bu borada Qatarning katta tajribasi muhim ekanligini ta’kidlab o‘tdi. “Men Qatar futbol assotsiatsiyasining so‘nggi bir necha yil ichida samarali hamkorlikni davom ettirish bo‘yicha amalga oshirgan ishlarini juda qadrlayman. Yaqin kelajakda QFA bilan hamkorlikda ushbu memorandum ikki mamlakat futbol assotsiatsiyalariga taqdim etadigan imkoniyatlardan unumli foydalanishimizni istayman. Biz murabbiylarning malakasini oshirish va yana ko‘plab dolzarb masalalarda Qatar tomoni bilan yaqin hamkorlik qilayotganimizdan mamnunmiz", - dedi Abdusalom Azizov.

Shuningdek, O‘FA prezidenti Qatar mamlakatini 2022-yilgi Jahon chempionati arafasida ko‘plab xalqaro futbol tadbirlarini o‘tkazayotganini e’tirof etdi. Qatarning bu boradagi tajribasi kelajakdagi hamkorlik uchun juda yaxshi imkoniyat bo‘lishi mumkinligini ta’kidladi.

O‘z navbatida, Shayx Hamad QFA va O‘FAni bir-biriga bog‘lab turadigan azaliy munosabatlarni etirof etdi. “Men bugun ushbu shartnomani imzolash va o‘zaro mustahkam munosabatlarimizni kengaytirish uchun O‘zbekistonga tashrif buyurganimdan baxtiyorman. So‘nggi bir necha yil davomida amaldagi Memorandum jadal suratdagi hamkorlik aloqalariga turtki bo‘ldi va har ikki futbol assotsiatsiyaga ham katta foyda keltirdi. Ammo, men O‘zbekiston futbol assotsiatsiyasini yanada yaqinroq hamkorlik qilish hamda Qatar futboli va Qatar futbol assotsiatsiyasi yurtingiz futboliga amaliy foyda keltirishi tarafdoriman”, - dedi QFA prezidenti.

Kelishuvga kiritilgan yangi qo‘shimchalar sifatida ikki futbol assotsiatsiyasi tomonidan kelishilgan o‘yinlar va futboldagi korrupsiya xavfini yengish uchun amalga oshirilgan ishlarni yanada rivojlantirishga o‘z xissasini qo‘shishi ta’kidlandi. So‘nggi bir necha yil davomida O‘zbekiston futbol assotsiatsiyasi tomonidan ushbu yo‘nalishda amalga oshirilayotgan ishlar alohida e’tirof etildi.

Shayx Hamad bin Halifa Bin Ahmad Al Tani O‘FA prezidentini O‘zbekiston 2022-yilgi 23 yoshli futbolchilar o‘rtasida o‘tadigan Osiyo kubogi musobaqasiga mezbonlik huquqini qo‘lga kiritgani bilan tabrikladi va QFAning barcha masalada yordamga tayyor ekanligini aytib o‘tdi.

O‘zbekiston va Qatar futbol assotsiatsiyalari rahbarlari davom etayotgan koronavirus pandemiyasi davrida Osiyo futbol konfederatsiyasiga a’zo assotsiatsiyalar futbolni rivojlantirish uchun ko‘proq hamkorlik qilishlari zarurligini ta’kidladilar. Shuningdek, suhbat davomida OFK musobaqalariga tegishli boshqa bir qator masalalar ham ko‘rib chiqildi.



 Добавление комментария


Кликните на изображение чтобы обновить код, если он неразборчив

Mavzuga oid yangiliklar
  • Ravshan Ermatov OFK prezidenti bilan uchrashdi 03 apr, 08:00
  • Umid Ahmadjonov Dubayda AQSh, Kanada va Meksika futbol federatsiyalari rahbarlari bilan ko‘rishdi 04 мая, 23:20
  • Umid Ahmadjonov Slovakiyaning O‘zbekistondagi elchisi bilan uchrashdi 27 fev, 08:30
  • Umid Ahmadjonov CAFA (Markaziy Osiyo, Eron, Afg‘oniston futbol assotsiatsiyalari) prezidenti etib saylandi 24 fev, 14:01
  • O‘FF Janubiy Koreya Futbol Assotsiatsiyasi bilan memorandum imzoladi 16 noya, 17:15
  • O‘FF QFU bilan memorandum imzoladi yoxud Qatar bilan o‘rtoqlik o‘yini o‘tkazishga kelishib olindi 18 okt, 00:09
  • So'nggi yangiliklar
  • Tokio-2020. Erkin kurashchimizning raqibi Olimpiadaning amaldagi chempioni 03 avg, 16:23 0
  • Rayxona Qodirova braziliyalik bokschiga mag‘lub bo‘ldi 03 avg, 16:01 0
  • 4 avgust kuni kutilayotgan ob-havo ma’lumoti 03 avg, 15:30 148
  • Olimlar koronavirus yuzaga keltiradigan yangi xavfni ma’lum qildi 03 avg, 14:55 350
  • O‘zbekiston bu yil qovun va tarvuz eksportidan qancha daromad qildi? 03 avg, 14:27 259
  • Avtobuslar harakatini real vaqt rejimida kuzatish imkonini beradigan mobil ilova ishga tushirildi 03 avg, 14:00 239
  • O‘zbekistonda koronavirusga qarshi qo‘llanilgan vaksinalar soni 8 mln dozadan oshdi 03 avg, 13:30 156
  • Farg‘onada 11 yoshli bola amakisi tomonidan ikki yil davomida zo‘rlab kelingani ma’lum bo‘ldi 03 avg, 12:55 1 359
  • Shomurodovning agenti: "Mourinyu u bilan yana bir bor rasmga tushishga tayyorligini aytdi" 03 avg, 12:50 390
  • Shomurodov: «Dunyoning eng katta klublaridan birida nimalarga qodirligimni ko‘rsatishga harakat qilaman» 03 avg, 12:29 483
  • Koronavirus va pnevmoniya: Kunlik kasallanish holatlari 1400dan ortiq, 10 bemor vafot etdi 03 avg, 11:55 314
  • Emlashdan o‘tishni rad etgan xodimni ishdan chetlatishga ruxsat beruvchi qonun imzolandi 03 avg, 11:24 470
  • Bo‘limlar