Afg‘onistonning Qunduz viloyatidagi Imom Sohib tumani toliblar tomonidan egallab olindi. Bu haqda «Pajvok» agentligiga tayanib «Aziya-Plyus» xabar berdi.
Agentlik muxbirining so‘zlariga ko‘ra, «Tolibon» bir necha soat avval tumanni egallagan, hozirda Qunduz shahriga hujum boshlagan.
Mazkur tuman Tojikistonning Xatlon oblastidagi Panj tumani bilan chegaradosh hisoblanadi.
"Shahar darvozasi toliblar qo‘lida, shaharning o‘zi qurshab olingan. Shahardagi vaziyat keskinlashmoqda", - deyiladi xabarda.
Oxirgi bir necha oy ichida Afg‘onistonda ko‘plab tumanlar «Tolibon» qo‘liga o‘tgan. So‘nggi bir necha kun ichida hukumat qo‘shinlari 15ta tumanni tark etgan.