“Zamin”ni Telegramʻda oʻqing! Join!
Zamin.uz
, 30 2021, 09:50
ЎЗO‘Z

Isroil razvedkasining sobiq rahbari «yopig‘liq qozon»ni ochdi

12 iyun, 22:20 2 780 Dunyo
“Zamin”ni Telegramʻda oʻqing!
Isroil razvedkasining sobiq rahbari «yopig‘liq qozon»ni ochdi
Yosi Koen 2016 yil yanvaridan 2021 yil iyuniga qadar Isroil razvedkasiga rahbarlik qildi.
Teleintervyudan olingan skrinshot

Isroil razvedkasi — «Mossad»ning o‘tgan hafta iste’foga chiqqan rahbari Yosi Koen mamlakatning «12-telekanal»iga bergan intervyusida ko‘plab yashirin sirlarni ochdi. Xususan, u Isroil josuslik xizmati tomonidan so‘nggi yillarda Eronga qarshi amalga oshirilgan diversion operatsiyalar haqida ilk bor ochiq gapirdi.

2020 yil 27 noyabr kuni Tehron shahri yaqinida eronlik taniqli fizik olim Muhsin Faxrizodaning o‘ldirilishi shov-shuvlarga sabab bo‘lgan edi. O‘shanda Amerika hukumatining ismi oshkor etilmagan vakili hamda maxsus xizmatning ikki xodimi olimning o‘ldirilishi ortida Isroil turganini ma’lum qilgan edi. Isroil hozirga qadar ushbu masalada ochiq izoh bermay kelayotgan edi.

«Mossad»ning sobiq rahbari Yosi Koen teleintervyuda ilk bor mazkur masalani so‘zlagan. U Isroil maxsus xizmatining Muhsin Faxrizodaning o‘limiga aloqador ekanini na tan oldi, na rad etdi. Ammo eronlik olim ko‘p yillardan buyon «Mossad»ning nishonida bo‘lgani, chunki uning yadro fizikasi bo‘yicha bilimlari xavotir uyg‘otganini qayd etgan.

«Agar biror inson Isroil fuqarolariga tahdid tug‘dirsa, u yo‘q qilinishi kerak», — degan Koen. Ayni chog‘da, u xavf tug‘dirgan shaxs o‘z faoliyat yo‘nalishini o‘zgartirsa, razvedka xizmati ro‘yxatidan o‘chirilishi mumkinligini ta’kidlagan.

Eron mudofaa vazirligining innovatsiya va tadqiqotlar bo‘limi rahbari, Imom Husayn nomidagi universitet professori sanalgan Muhsin Faxrizoda ko‘p yillar davomida mamlakatning yadro sohasidagi tadqiqotlariga boshchilik qilgan.

Ayrim G‘arb nashrlari Faxrizodani Ikkinchi jahon urushida AQSHda yadro qurolini yaratish loyihasiga boshchilik qilgan Robert Oppengeymga muqoyasa etishadi. Faxrizoda «Eron yadro sohasining otasi» deb ham atalishi ham bejizga emas. Eron bilan murosasiz muxolifatda bo‘lgan qo‘shni davlat maxsus xizmati Faxrizodani avval ham o‘ldirishga uringani, ammo suiqasd muvaffaqiyatsiz yakunlangani aytiladi.

Teleintervyuda Eronning Natanz yadro ob’ektida ro‘y bergan avariyaga Isroilning aloqador ekaniga ham ishora qilingan. 
Avval xabar berganimizdek, «The New York Times» nashri joriy yil aprel oyida Natanz shahrida joylashgan yadro inshootida ro‘y bergan portlashda Isroilning qo‘li borligini taxmin qilgan edi.

Yosi Koen Isroil maxsus xizmati Erondan 55 ming sahifali yadro hujjatlarini ham o‘g‘irlagani haqida hikoya qilgan.
Tahlilchilar «Mossad» sobiq rahbarining intervyusi G‘arb davlatlari hamda Eron o‘rtasida yadro tadqiqotlariga doir muzokaralar boshlanishi arafasida e’lon qilinganiga e’tibor qaratishgan.

S.Salim




 Добавление комментария


Кликните на изображение чтобы обновить код, если он неразборчив

Mavzuga oid yangiliklar
  • Xomanaiy Isroilni «terrorchilar bazasi» deb atadi 08 мая, 20:20
  • Isroil koronavirus ustidan g‘alaba qozonganini e’lon qildi 05 mar, 10:52
  • Isroil harbiy razvedkasi qanday faktlari bilan e’tiborli? 14 fev, 08:00
  • Trampdan yangi saylangan prezident Baydenga kutilmagan «sovg‘a» (foto) 30 noya, 00:04
  • Isroil Eronga do‘q urdi: “Harbiy operatsiya boshlaymiz!” 12 dek, 17:16
  • Isroil armiyasi G‘azo sektorida HAMAS marralarini o‘qqa tutdi 19 mar, 13:44
  • So'nggi yangiliklar
  • Rossiya O‘zbekiston bilan qo‘shma mashg‘ulotlar oldidan Surxondaryoga qo‘shinlarni jo‘natishni boshladi 30 iyul, 08:00 0
  • Eldor Shomurodovning transferi bugun e’lon qilinadi 30 iyul, 00:35 729
  • Ertaga qaysi sportchilarimiz Tokio-2020 da ishtirok etadi? 30 iyul, 00:30 309
  • Inglizlar Afg‘onistonni nega zabt eta olmagan? 30 iyul, 00:20 453
  • "Tobol" Sergeyevning dubli evaziga "Xayduk"ni mag‘lub etib, keyingi bosqichga yo‘l oldi 29 iyul, 23:56 742
  • Eldor Shomurodovning «Roma»dagi maoshi ma’lum bo‘ldi 29 iyul, 23:49 1 055
  • Italiyalik dizayner O‘zbekiston gerbi va bayrog‘i aks etgan poyabzallar taqdim etdi 29 iyul, 23:28 305
  • Shavkat Mirziyoyev vaksina ishlab chiqarilishi kutilayotgan Jurabek Laboratories qo‘shma korxonasi faoliyati bilan tanishdi 29 iyul, 23:13 245
  • Surxondaryoda fuqaroni qiynab o‘ldirgan inspektor yordamchilari qamoqqa olindi 29 iyul, 22:44 992
  • Bozorlardagi narx-navolar taqdim etildi 29 iyul, 22:22 819
  • Germaniyada nafaqaxo‘r erkakning uyi yerto‘lasidan Ikkinchi jahon urushi davriga tegishli tank topildi 29 iyul, 21:55 1 198
  • O‘zbekistonda 30 iyul kuni havo salqinlashadi, ayrim hududlarda yomg‘ir yog‘adi 29 iyul, 21:20 1 025
  • Bo‘limlar