“Zamin”ni Telegramʻda oʻqing! Join!
Zamin.uz
, 15 2021, 01:51
ЎЗO‘Z

Chilonzordagi «Navro‘z» majmuasi nega buzilmoqda?

11 apr, 22:44 2 396 Jamiyat
“Zamin”ni Telegramʻda oʻqing!
Chilonzordagi «Navro‘z» majmuasi nega buzilmoqda? So‘nggi kunlarda ijtimoiy tarmoqlarda Toshkent shahrining Chilonzor tumanidagi «Navro‘z» qabullar uyi binosining buzilayotgani haqidagi xabar qizg‘in muhokamalarga sabab bo‘lmoqda. Ana shu masalaga aniqlik kiritish maqsadida «Daryo» muxbiri qurilish vazirining birinchi o‘rinbosari Davron Odilov bilan suhbatlashdi.

— Davron Qobiljonovich, bir necha kunlardan beri ijtimoiy tarmoqlarda poytaxtimizdagi «Navro‘z» majmuasining buzilishi bilan bog‘liq masala qizg‘in muhokamalarga sabab bo‘lmoqda. Qurilish sohasi bo‘yicha mas’ul rahbarlardan biri sifatida shu masala haqida batafsil to‘xtalib o‘tsangiz. Xo‘sh, bu borada bildirilayotgan fikr-mulohazalar qanchalik o‘rinli?

— Xabaringiz bor, so‘nggi paytlarda poytaxtimizdagi Alisher Navoiy milliy bog‘ majmuasini haqiqiy ma’noda xalqimiz uchun madaniyat va ma’rifat maskaniga aylantirishga alohida e’tibor qaratilmoqda. Shu maqsadda bu yerda Adiblar xiyoboni barpo etilib, yigirmadan ziyod atoqli ijodkorlarimizning haykallari o‘rnatildi. Shuningdek, Yozuvchilar uyushmasining binosi qurildi, Toshkent tarixi muzeyi tashkil qilindi.

Bu boradagi ishlarning mantiqiy davomi sifatida Milliy bog‘ hududida Alisher Navoiy nomidagi xalqaro ijod maktabi, Adabiyot muzeyi va yangi Milliy drama teatri binolari hamda Davlat san’at muzeyining namoyishlari majmuasini qurish, shuningdek, bu yerda ilm-fan va san’at sohalariga oid 1,5 million kitob fondiga ega bo‘lgan yirik kutubxona bunyod etish loyihalashtirilgan.

Mazkur kutubxonani Alisher Navoiy milliy bog‘i hududidagi «Navro‘z» majmuasiga joylashtirish hamda uni zamonaviy shaharsozlik va arxitektura talablari asosida qayta rekonstruksiya qilish rejalashtirilgan edi. Shu maqsadda, qonun talablariga asosan loyiha institutlari tomonidan «Navro‘z» majmuasining holati texnik ko‘rikdan o‘tkazilganida, 1980 yillarda qurilgan ushbu binoning holati bilan bog‘liq bir qator jiddiy muammolar borligi aniqlandi.

Xususan, «Navro‘z» majmuasining atrofida uzoq yillar davomida muntazam ishlab turgan katta hajmdagi favvoralardan binoning poydevor qismiga namlik sizib o‘tganligi sababli bino 27 santimetrlik og‘ish yuz berganligi ma’lum bo‘ldi.

Shu bilan birga, majmuadagi asosiy yuk ko‘tarib turuvchi konstruksiyalarning holatida ham salbiy o‘zgarishlar yuz bergan. O‘zingiz yaxshi bilasiz, Toshkent shahri nisbatan faol seysmik mintaqada joylashgan. Shuning uchun bu yerda bino va inshootlarning mustahkamligiga jiddiy e’tibor qaratish talab etiladi. Bu kutubxonadan kelajakda xalqimiz foydalanadi. Demak, odamlarning xavfsizligini ta’minlash birinchi galdagi vazifamiz hisoblanadi.

Loyiha institutlari va mutaxassislarning xulosasiga asosan, binoni ta’mirlash maqsadga muvofiq emas, deb topildi. Chunki yuqoridagi kamchiliklar erta-bir kun jiddiy oqibatlarga sabab bo‘lmasligiga hech kim kafolat berolmaydi.

Qolaversa, hisob-kitoblarga ko‘ra, uni rekonstruksiya qilish va ta’mirlashdan ko‘ra, o‘rnida yangi bino qurish iqtisodiy jihatdan samaraliroq ekani ma’lum bo‘ldi.

Shu bois, bo‘lajak kutubxona foydalanuvchilarining xavfsizligi, binoning konstruktiv mustahkamligi va barqarorligi, seysmik xavfsizligini ta’minlash maqsadida «Navro‘z» majmuasi o‘rnida mustahkam, ko‘rkam, energiya tejamkor va barcha qulayliklarga ega bo‘lgan yangi, zamonaviy kutubxona binosini qurish maqsadga muvofiq, degan qarorga kelindi.

Bir so‘z bilan aytganda, bu bog‘ yaqin kelajakda haqiqiy madaniyat va ma’rifat maskani, adabiyot muxlislari va xalqimizning sevimli maskaniga aylanib, ko‘p yillar davomida xalqimizga xizmat qiladi.



 Добавление комментария


Кликните на изображение чтобы обновить код, если он неразборчив

Mavzuga oid yangiliklar
  • Suratdagi itmi yoki erkak? Optik illyuziya ijtimoiy tarmoqlarda muhokamalarga sabab bo‘ldi 07 fev, 18:00
  • Chirchiq shahrida qarzdor korxonadan 1 mlrd. so‘mdan ziyod qarzdorlik undirildi 04 dek, 15:39
  • O‘rtachirchiqda tadbirkor foydasiga 393 mln. so‘m undirib berildi 17 noya, 19:30
  • Toshkentlik tadbirkorning 265,2 mln so‘m qarzi undirib berildi 28 sen, 18:23
  • Qarzdor jamiyatdan 370 mln. so‘m davlat boji undirildi 03 iyun, 16:42
  • O'zMTRK telekanallaridan birida rahbar o'zgardi 21 avg, 12:53
  • So'nggi yangiliklar
  • AQSHda benzin rekord darajada qimmatlashdi 15 мая, 00:20 0
  • "Yevro-2020"ning rasmiy madhiyasi e’lon qilindi (video) 14 мая, 23:55 5
  • AQSHda erkak fikr kuchi yordamida kompyuterda matn terdi 14 мая, 23:23 75
  • O‘zbekistonda «Qizil kitob»ga kiritilgan hayvonlarni ovlash qancha turadi? 14 мая, 22:55 116
  • Isroilning «Temir gumbaz» mudofaa tizimi qanday ishlaydi? 14 мая, 22:24 458
  • Chexiya bosh prokurori rus josuslari bilan bog‘liq mojaro ortidan iste’foga chiqdi 14 мая, 21:56 254
  • Xiaomi bo‘yinga osib yurish mumkin bo‘lgan ventilatorni yaratdi 14 мая, 21:26 142
  • 10 kishi bo‘lib o‘ynagan AGMK "Bunyodkor"ga imkoniyat qoldirmadi 14 мая, 20:56 408
  • "Oloy" ustidan qozonilgan g‘alabadan so‘ng Ro‘ziqul Berdiyev nimalar dedi? 14 мая, 20:49 539
  • Deklaratsiya asosida hisoblangan daromad solig‘i joriy yilning 1 iyuniga qadar to‘lanishi lozim 14 мая, 20:20 293
  • Stressda yaxshi samara beradigan 8 mahsulot 14 мая, 19:42 489
  • OFK Kubogi-2021. "Nasaf" musobaqani yirik g‘alaba bilan boshladi 14 мая, 19:03 542
  • Bo‘limlar