“Zamin”ni Telegramʻda oʻqing! Join!
Zamin.uz
, 13 2021, 09:16
ЎЗO‘Z

«Zakovat» klubining ilk kastingi: «Bay, bay, bay! Qani edi bu o‘zbek o‘g‘lonlari... »

01 mar, 13:40 1 378 Jamiyat
“Zamin”ni Telegramʻda oʻqing!
«Zakovat» klubining ilk kastingi: «Bay, bay, bay! Qani edi bu o‘zbek o‘g‘lonlari... » Foto:«Xabar.uz»
«Erta bahor kunlari edi. Saharda bir qarindoshning to‘yiga bobomlar bilan birga bordik. Kun sovuq, endi tong otmoqda edi. Ko‘pchilik aytilgan bo‘lsa kerak, ko‘chada saf tortib, osh yeyishga navbat kutib, odob bilan bobomlarni oldinga kuzatayotgan tumonat odamlarni ko‘rib, hassaga ikki qo‘lini qo‘ygan holda to‘xtadilar. «Bay, bay, bay! Qani edi bu o‘zbek o‘g‘lonlari shu tartibda, shunday g‘ayrat va ixlos bilan Vatan ozodligi uchun jangga kirsa!» deb, tizilib turgan uzun safga zavq bilan uzoq tikilib qolganlarini eslayman» degan edi Alixon To‘ra Sog‘uniyning nevarasi Uvaysxonto‘ra Shokirov.

28 fevral kuni Humo Arena saroyida «Zakovat» intellektual klubi a’zoligiga Toshkent viloyati va shahridan ariza topshirganlar uchun kasting o‘tkazildi. Kastingga qiziqish shu darajada bo‘ldiki, Humo Arenaga kirish eshiklaridan kirish uchun 2 soatlab navbatda turasiz.

Tashkilotchilarning bergan ma’lumotlariga ko‘ra, «Zakovat» intellektual klubiga a’zo bo‘lish uchun ariza berganlar soni 13 mingdan oshgan bo‘lib, ularning 11 111 nafari yakka tartibda ariza topshirganlar bo‘lsa, 1 932 kishi 322 ta jamoaga birlashgan holda ro‘yxatdan o‘tgan. Toshkent viloyati va shahrida kasting uchun ham minglab yoshlar yig‘ildi.

Foto: Alisher Sadullaev.
Ilm bu cheksiz ummon. Faqat ilmgina sizni yuksaklikka olib chiqa oladi. Tadbirda so‘zga chiqqan Milliy mass-mediani qo‘llab-quvvatlash va rivojlantirish jamoat fondi raisi Komil Allamjonov o‘z nutqda aynan shularni ta’kidlab o‘tdi.

Komil Allamjonov ixtirolar, yangiliklar va inqilobiy o‘zgarishlarni faqat televizordan ko‘rib, ajdodlar bilan faxrlanib yashashdan tashqari, ilmni trendga chiqarish zarurligi haqida gapirdi. «Biz o‘tmishdagi ulug‘ ajdodlarimiz bilan faxrlanamiz. Suratlarini devorga ilib g‘urur bilan shularning avlodlarimiz deymiz. O‘zimizga kelganda esa «Kelajagimiz buyuk bo‘lishi»ga ishonamiz. Ammo qo‘limizda na bir arzugulik kashfiyot, na arzigulik loyiha bor».

Mass-media fondi raisining ta’kidlashicha, bolaning shakllanishida oilaviy muhit, ota-onaning o‘rni, ta’siri juda katta: «O‘qib, shahar oberarmiding?», «Podderjka qiladigan kimimiz bor, nimangga ishonyapsan?», «Hadeb kitob titgandan ko‘ra, bor, mol-holga qarasang-chi», degan gaplarni ko‘p oilalarda eshitamiz. Balki o‘zimizga ham aytilgandir bunday gaplar. Shunaqa gaplarni eshitgan bola qaddi bukik, bo‘yni egik, hayotdan hafsalasi pir bo‘lib voyaga yetishi aniq. O‘ziga ishonchi bo‘lmagan, birovga qaram millat ana shunday shakllanadi».

Mass-media fondi raisi o‘rinbosari Saida Mirziyoyeva «Zakovat» intellektual klubi kastingi tadbirida o‘z nutqini Mujodala surasi, 11-oyat «Alloh sizlardan imon keltirgan va ilm ato etilgan zotlarni (baland) daraja (martaba)larga ko‘tarur…», bilan o‘z so‘zini boshladi. Shuni alohida ta’kidlash kerakki, Mirziyoyeva klubga a’zo bo‘lgan xotin-qizlarni alohida qo‘llab-quvvatlashini ta’kidladi. Intelluktual o‘yinlarning tashkil etilishida Mass-media fondi raisi o‘rinbosarining o‘rni beqiyos. «Men oramizda qizlar ham borligidan xursandman. Aziz opa-singillarim, siz bizning faxrimizsiz. Sizda orzu-maqsadlarimiz timsolini ko‘ryapmiz», dedi Mirziyoyeva.

Zakovatning kasting jarayoni ham yuqori kayfiyatda tashkil qilindi. Dastlab 30 ta faktga asoslangan qisqa savollar o‘qib eshittirildi, so‘ngra 10 ta mantiqiy savolga navbat berildi. Tadbir konsert bilan davom etdi.

«Zakovat» turnirlari uchun 1 mlrd 690 mln so‘m ajratilgan. Toshkent shahri va viloyati o‘yinlari uchun ajratilgan yutuq fondi esa 130 million so‘m. Ajratilgan mablag‘ breyn-ring tanlovlari tashkil etilib, unda g‘olib bo‘lgan jamoalarga taqdim etiladi. Bu ijtimoiy tarmoqlarda ayrim salbiy fikrlarga ham sabab bo‘lgani rost.

«Shuncha pulni sarflash nega kerak edi?», «Undan ko‘ra, shu pulga nechta oilaga uy olib bersa bo‘lardi», «Shu pulni ilmiy loyihalarga tikish kerak edi», «Shuncha pul zoye ketdi» kabi sharhlar berildi. Ta’limga sarmoya kiritish - nega bu hech qachon isrof bo‘lmaydi? Soxta iqtisodiyot, millat tannazuli ta’limdan investitsiyani tejashdan kelib chiqadi. Bu xuddi rentgen ko‘zoynagi orqali dunyoga qarashga o‘xshaydi. Ilmga tikilgan pullar bir kunda, bir oyda, bir yilda o‘z natijasini ko‘rsatmasligi mumkin, ammo yillar o‘tib bu o‘z natijasini beradi. Ilmli inson ertaga nafaqat o‘ziga, balki butun millatiga foyda keltiradi.

Ilm yo‘liga sarflangan har qanday mablag‘ yaxshi investitsiyadir. Komil Allamjonov ta’kidlaganidek, biz ilm yo‘lidagi shahdingizni so‘ndirmoqchi bo‘lgan hech kimga quloq solmasligimiz zarur. Zakovat o‘yinlari respublikamiz bo‘ylab davom etadi.

Manba: Xabar.uz



 Добавление комментария


Кликните на изображение чтобы обновить код, если он неразборчив

Mavzuga oid yangiliklar
  • Samarqandlik ikki yigit TikTok’da layk yig‘ish uchun o‘zini tomdan tashladi 09 fev, 09:00
  • Abdulla Aripov So‘xga bordi. Tumanga aviaqatnovlar uchun Humo Air samolyoti jalb qilinadi 12 avg, 22:45
  • Endi metroga jetonsiz ham kirsa bo‘ladi 07 okt, 21:13
  • Mirziyoyev topshirigʻi: Rossiya xokkeyi yulduzlariga Toshkentda kvartiralar beriladi 16 mar, 11:55
  • Andijonda ichki ishlar xodimi urib o‘ldirildi 23 noya, 08:30
  • Tarixning zarhal sahifasi: O‘zbekistonning Birinchi Prezidenti Islom Karimov o‘z ustozi bilan 27 sen, 17:34
  • So'nggi yangiliklar
  • Bolangizni qarg‘amang, onalar! 13 apr, 09:00 0
  • Valijon Rahimov: "Murabbiylarimiz ko‘rsatmasini to‘g‘ri bajarish va kuchli xohish evaziga "Al Hilol"dan ochko olishimiz mumkin" 13 apr, 08:30 0
  • Yevropada yo‘qolib ketish xavfi ostida bo‘lgan yettita joy 13 apr, 08:00 0
  • Dafn etilgan erkakni bir kundan keyin qarindoshlari tirik holda topishdi 13 apr, 07:30 432
  • Xush kelding qalbimga, mohi Ramazon! 13 apr, 00:30 697
  • Ro‘za — qorinni och qoldirib, qalbni to‘ydirishdir 13 apr, 00:10 698
  • Xush kelibsan, Ramazon... 12 apr, 23:39 674
  • Diyetolog ovqat miqdorini kamaytirmasdan ozish usuli haqida gapirdi 12 apr, 23:23 674
  • Toshkentda tarovih namozi munosabati bilan har oqshomda qator avtobuslar yo‘nalishi o‘zgaradi 12 apr, 22:57 288
  • Aliment to‘lamagan mirishkorlik ota 15 sutkaga qamaldi 12 apr, 22:43 639
  • Qidiruvdagi shaxs ushlangach 22.8 mln. so‘m aliment pulini to‘ladi 12 apr, 22:33 567
  • Farzand onasi tarbiyasiga olib berildi 12 apr, 22:24 592
  • Bo‘limlar