"Paxtakor" yarim himoyachisi Jaloliddin Masharipov faoliyatini BAA chempionatida davom ettiradi.
Ma’lum bo‘lishicha, Saudiyaning "An Nassr" klubi futbolchini sotib olgan, ammo legionerlar limiti to‘lganligi tufayli Masharipov 5 oyga BAAning "Shabab Al Ahli" jamoasiga ijaraga berilgan.
Manbaning qo‘shimcha qilishicha, Jaloliddin bugundan "Shabab" mashg‘ulotlariga qo‘shiladi. Dubay klubi safida o‘zbekistonlik boshqa yarim himoyachi Azizjon G‘aniyev ham to‘p tepmoqda.