Foto: «Depositphotos / Ugreen»Yel universiteti olimlari nima uchun erkaklar COVID-19dan ayollarga qaraganda 1,7 baravar ko‘proq vafot etishini aniqladilar, deb yozadi «Science».
Mutaxassislarning fikricha, jinsiy gormonlar kasallik asoratlariga moyillikda muhim rol o‘ynaydi. Masalan, ayollarda estrogen SARS-CoV-2 organizmga kirishda darvoza sifatida foydalanadigan ACЕ2 retseptorlarini bloklab qo‘yishi mumkin. Bunda erkaklarning androgen gormoni, aksincha, kasallikning yuqishini osonlashtiradi.
Shuningdek, ayollarda immunitetni tartibga soluvchi asosiy genlarni o‘z ichiga olgan ikkita X xromosomaning mavjudligi muhim omil ekanligi ta’kidlangan. Ba’zi hollarda ana shu xromosomalar bir vaqtning o‘zida tug‘ma immun tizimini faollashtirishi hamda infeksiyaning dastlabki bosqichlarida patogenlarni aniqlashi mumkin.
Shu bilan birga, 60 yoshdan oshgan erkaklar odatda koronavirusga qarshi dastlabki immunitetni shakllantirish qobiliyatini yo‘qota boshlaydilar. Buning o‘rniga ularda ko‘pincha organizmning haddan tashqari kompensatorli reaksiyasi kelib chiqadi. Bu esa yallig‘lanish va sitokinlarga olib kelib, COVID-19ning og‘ir holatlarini keltirib chiqaradi va o‘lim xavfini oshiradi.