“Zamin”ni Telegramʻda oʻqing! Join!
Zamin.uz
, 26 2021, 21:22
ЎЗO‘Z

Shomurodov “Yuventus”ga transfer qilinadimi? “Jenoa” prezidenti javob berdi

22 yanv, 23:15 1 349 Sport
“Zamin”ni Telegramʻda oʻqing!
Shomurodov “Yuventus”ga transfer qilinadimi? “Jenoa” prezidenti javob berdi Italiya va Rossiya futboli munosabatlari tobora mustahkamlanib bormoqda. Odatda, Rossiya chempionatidan kuchli beshlik jamoalariga futbolchi olinishi kam kuzatiladigan holat ekani hech kimga sir emas.

Rossiya maydonlarida porlagan futbol yulduzlari Yevropaning boshqa kuchli chempionatlarida ip esholmagan vaziyatlar tarixda ko‘p bo‘lgani ko‘pchilikka yaxshi ma’lum. Biroq, kuchli beshlik tarkibiga kiruvchi Italiya A Seriyasi Rossiya futbolida pishgan futbolchilarga ishonch bildira boshladi.

2020 yilning avgustida Yevropa chempionlar ligasi ishtirokchisi va A Seriyada yuqori o‘rinlar uchun kurashayotgan “Atalanta” Moskvaning “Lokomotiv”ida yetakchi maqomida to‘p surgan Aleksey Miranchukni oldi. Jasur Jaloliddinovning kumiri raqobat kuchli jamoada hali asosiy tarkibning muqim o‘yinchisi hisoblanmasa-da, har holda dastlabki mavsumda yo‘qolib qolayotgani yo‘q. Alekseyning uchta gol urgani va ayrim o‘yinlarda mahoratini ko‘rsata olgani shundan dalolat.

Biz uchun muhimi esa, “Rostov”ning haqiqiy yetakchisi bo‘lgan Eldor Shomurodov pandemiya karantinidan keyin gol urishga qiynalib qolganiga qaramay, xorij klublaridan taklif oldi va rostovliklar “Jenoa” taklifini qabul qilib, o‘zbek hujumchisini Genuyaga kuzatib qo‘ydi.

Italiya futboli o‘zbek va rus futbolidan keskin farq qiladi. Qolaversa, bundan yigirma yil muqaddam Ilyos Zeytullayevning Italiyada kutilgan darajada porlay olmagani achchiq tajriba sifatida yodimizda qolgani bois, Eldorning faoliyatidan xavotirgan tushganlar ham ko‘p bo‘ldi. Qolaversa, “Jenoa”da koronavirus tarqalib ketgani bois Shomurodov jamoaga o‘z vaqtida qo‘shila olmagani, keyinroq ikkita uchrashuvda o‘zini ko‘rsatolmagani, jarohat olgani, jamoaning himoyaviy usulni qo‘llashi kabi qator omillar xavotirimizni kuchaytirib yubordi.

Shomurodov mehnatkashligi evaziga murakkab vaziyatni yengib o‘tdi. Avvalgi murabbiy Rolando Maranga ham, undan boshqaruvni qabul qilib olgan Davide Ballardiniga ham uning joyi boshlang‘ich tarkibda ekanini isbotlay oldi.

Mutaxassislarning ta’kidlashicha, Miranchuk va Shomurodovning A Seriyaga muvaffaqiyatli qo‘shilib ketgani “Spartak”da o‘zini ko‘rsatolmagan Aleksandr Kokoringa “Fiorentina”ning ishonchi uyg‘onishiga turtki bo‘lgan ekan. Yozda Shomurodovga og‘iz solib, hujumchi uchun raqobatda “Jenoa”ga yutqazgan florensiyaliklar rus futbolida suyagi qotgan Kokorin ularga yordam bera olishiga ishondi va uni transfer qildi.

Qishki transferlar davrida “Yuventus”ning Shomurodovga qiziqayotgani haqidagi xabar tarqaldi va bu mavzu hali tingani yo‘q. Mavzu yuzasidan ko‘pchilik o‘z fikr-mulohazasi va taxminlarini bildirdi. Hatto “Yuventus” sport direktori Fabio Paratichi ham diplomatik tarzda fikrini bayon qilib, Eldor masalasida aniq javobni aytmay, gap mazmunini mujmal qilib qo‘ya qoldi.

Endi navbat “Jenoa” prezidenti Enriko Pretsioziga keldi. Klub rahbari Eldor Shomurodov masalasida o‘z pozitsiyasini va u qishda transfer qilinmasligini bildirdi.

- Men Shomurodovni jamoada saqlab qolishga qaror qildim. Eldor – “Jenoa” futbolchisi. U safimizga yaqinda kelgan. Shaxsan men “Yuventus”dan Shomurodov borasida rasmiy taklif olmadim. Hozir jamoaning musobaqa jadvalidagi vaziyatidan kelib chiqib, futbolchini boshqa jamoaga transfer qiladigan payt emas, - dedi Enriko Pretsiozi.

Xabaringiz bor, 2020 yilning oktabrida “jenoa” tarkibiga qo‘shilgan 25 yoshli hujumchimiz hozirga qadar Genuya jamoasi tarkibida jami 13 ta o‘yinda maydonga tushib, ikkita gol urdi va ikkita golli pas muallifi bo‘ldi. Ayni paytda Shomurodov 24 yanvar kuni bo‘ladigan “Kalyari”ga qarshi uchrashuvda tayyorgarlik ko‘rmoqda.



 Добавление комментария


Кликните на изображение чтобы обновить код, если он неразборчив

Mavzuga oid yangiliklar
  • Bugun Shomurodov nimalarga qodirligini ko‘rsatib qo‘yishi kerak! 17 yanv, 21:03
  • Ronaldu bilan uchrashuvga tayyorlanayotgan Shomurodov haqida tanqidchilar fikrini o‘zgartiradigan 11 fakt 12 dek, 12:00
  • Romansov Qosimovni Rossiya chempionatida o‘ynagan eng kuchli osiyolik futbolchi deb hisoblaydi 20 iyun, 16:50
  • Rossiya matbuoti “Lokomotiv” (Moskva) o‘zbekistonlik 18 yashar vunderkindni olayotganini bong urmoqda! 17 iyun, 07:53
  • Shomurodov: "Yevropaning kuchli beshlik chempionatlarini orzu qilaman, ammo hali "Rostov"dan ketish niyatim yo‘q" 29 okt, 14:06
  • Bugun Yevropa kuchli beshlik chempionatlarida yozgi transferlar oynasi rasman yopiladi 02 sen, 15:17
  • So'nggi yangiliklar
  • Yevropa ligasi. 1/8 finalga qur’a tashlandi. MYU "Milan" bilan o‘ynaydi 26 fev, 20:45 0
  • Ukrainadagi musobaqada 3 nafar bokschimiz finalga chiqdi 26 fev, 20:23 1
  • Sayyor qabullar aholi murojaatlari bilan ishlashning samarali usuli 26 fev, 20:00 0
  • O‘zbekistonda dollarning rasmiy kursi yana pastladi 26 fev, 19:47 19
  • Fuqaro foydasiga yetkazilgan zarar undirildi 26 fev, 19:46 21
  • O‘runovni “Spartak”da Tedesko “sindirgani" rostmi? 26 fev, 19:14 75
  • 106 millionlik parfyumeriya vositalari manziliga yetib bormadi 26 fev, 18:53 80
  • "Stranja". Shahobiddin Zoirov kutilmaganda mag‘lubiyatga uchradi 26 fev, 18:41 276
  • Bojxonachilar salkam 56 mln. so‘mlik dorilarning yashirin savdosiga chek qo‘yishdi 26 fev, 18:30 103
  • Vagonlarda yashirilgan kontrabanda predmetlari fosh bo‘ldi 26 fev, 18:06 149
  • Salkam 1 milliard 322 million so‘mlik qing‘irlikka chek qo‘yildi 26 fev, 17:43 179
  • Prezident yangi qonunni imzoladi 26 fev, 17:20 674
  • Bo‘limlar