Bojxona organlari tomonidan yashirin iqtisodiyotga qarshi kurash, xususan, yurtimizga tovarlarni noqonuniy olib kirishga urinish holatlariga o‘z vaqtida chek qo‘yilmoqda.Jumladan, Namangan viloyati bojxona boshqarmasi Kontrabandaga qarshi kurashish va bojxona auditi bo‘limi xodimlari Davlat xavfsizlik xizmati chegara qo‘shinlari harbiy xizmatchilari va Ichki ishlar xodimlari bilan hamkorlikda Yangiqo‘rg‘on tumanida tezkor tadbir o‘tkazishdi.
O‘tkazilgan tezkor tadbir davomida Yangiqo‘rg‘on tumanida yashovchi fuqaro M.A.ning dala hovlisi belgilangan tartibda ko‘zdan kechirildi.Natijada ushbu dala hovlida yurtimizga qo‘shni mamlakatdan noqonuniy olib kirilgan, xorijda ishlab chiqarilgan umumiy qiymati 550 million so‘mlik 350 dona televizorlar hamda 92 metr tikuvchilikda foydalaniladigan matolar borligi aniqlandi.
Hozirda ushbu holat yuzasidan bojxona organlari tomonidan surishtiruv harakatlari davom ettirilmoqda.